КР курама командасынын күйөрмандары Австралияда болчу оюнга билеттерди сатып алды

© предоставлено Наргизой ХакимовойАвстралияда жашаган кыргызстандыктар күйөрмандар.
Австралияда жашаган кыргызстандыктар күйөрмандар. - Sputnik Кыргызстан
Жазылуу
Кыргызстан менен Австралиянын футбол боюнча курама командалары Бишкек убактысы боюнча саат 15.00дө Канберра шаарында беттешет. Оюнда кыргызстандык 100дөн ашык күйөрман командасын сүрөөнгө алат.

БИШКЕК, 12-ноя. — Sputnik. Австралияда жашаган кыргызстандыктар Канберра шаарынын GIO Stadium стадионундагы күйөрмандарга бөлүнгөн бардык орунду сатып алышканын Наргиза Хакимова билдирди.

Кыргызстан менен Австралиянын футбол боюнча курама командалары Бишкек убактысы боюнча саат 15.00дө Канберра шаарында беттешет. Оюнда кыргызстандык 100дөн ашык күйөрман командасын сүрөөнгө алат.

Кыргызстандыктар австралиялыктар менен ак кийимчен ойношот
Хакимованын айтымында, Австралиянын башка шаарында жашаган кыргызстандыктар да мелдешке келип, команданы сүрөөнгө алат. Күйөрмандардын арасында Кыргызстандан атайын келгендер дагы бар.

Кыргызстандык күйөрмандар үчүн бөлүнгөн 140 орундун баары сатылып алынган. Алардын арасында Футбол федерациясынын делегациясы үчүн да орундар каралган.

GIO Stadium стадионуна 25 миң 11 күйөрман батат.

Эки команда буга чейин Бишкек шаарында беттешип, австралиялыктар 1:2 эсебинде жеңишке жеткен. 

Беш оюндун жыйынтыгы менен Иордания 13 упай менен ишенимдүү түрдө биринчи орунда келе жатат. Экинчи орунда тогуз упай менен австралиялыктар келе жатат, анын запаста дагы бир оюну бар. Кыргызстан сегиз упай менен үчүнчү орунда. Төртүнчү орунду эки упай менен Тажикстандын командасы камсыздаса, болгону бир упай менен Бангладеш акыркы орунда.

Жаңылыктар түрмөгү
0