Бишкекте дагы бир бала бакча ачылды

© Sputnik / Игорь Зарембо / Медиабанкка өтүүБала бакча. Архив
Бала бакча. Архив - Sputnik Кыргызстан
Жазылуу
Бүгүнкү күндө Бишкек шаарында жалпы жонунан 79 бала бакча иш алып барат. 12 миң 691 наристеге ылайыкташкан бул бала бакчаларда учурда 29 миң бала тарбияланат.

БИШКЕК, 8-ноя. — Sputnik. Административдик имаратта ылайыкташтырылып кайра жасалган бала бакча ачылганын мэрия билдирди.

От жагуу. Архив - Sputnik Кыргызстан
Кыргызстанда мектеп менен бала бакчалар электр энергиясынан баш тартып, от жагууга өттү
Маалыматка ылайык, жаңы №78 бала бакча Биринчи Май районунда ачылып, үч жаштан жети жашка чейинки төрт тайпада 140 баланы кабыл алууга ыңгайлашкан.

Имаратты бала бакчага ылайыкташтыруу үчүн оңдоп-түзөө иштерине мэрия алдындагы капиталдык курулуш башкармалыгы 15 миң 700 сом бөлүп, ремонт иштерин аягына чыгарды. 

Жаңы бала бакчанын ачылыш аземине мэрия өкүлдөрү, шаардык кеңештин депутаттары, райондук администрация жетекчилиги жана шаар тургундары катышты.

Бүгүнкү күндө Бишкек шаарында 79 бала бакча иш алып барат. 12 миң 691 наристеге ылайыкташкан бул бала бакчаларда учурда 29 миң бала тарбияланат.

Жаңылыктар түрмөгү
0