Жээнбеков: кресло боюнча маалымат согушунан уттуруп койдук

© Фото / пресс-служба ЖК КРЖК Төрагасы Жээнбеков. Архив
ЖК Төрагасы Жээнбеков. Архив - Sputnik Кыргызстан
Жазылуу
Буга чейин Жогорку Кеңештин Иш башкармалыгы 120 кресло сатып алуу үчүн 2,6 миллион сомго тендер жарыялап, ал коомчулукта ар кыл пикир, талкууну жараткан. Кийинчерээк ал ЖКнын ошол кездеги төрагасы Жээнбековдун буйругу менен жокко чыгарылган.

БИШКЕК, 4-ноя. — Sputnik. Парламент кресло жана килемчелерди сатып алуу боюнча жалпыга маалымдоо каражаттарында маалымат согушунан утулуп калды деди ЖКтын төрагалыгына талапкер Асылбек Жээнбеков

Компьютер жана микрофон менен жайгашкан жумуш ооруну. Архив - Sputnik Кыргызстан
Отургучтары сынган эл өкүлдөрүнүн ойлору же келе элек жатып кесирлүү аталган парламент
Буга чейин Жогорку Кеңештин Иш башкармалыгы 120 кресло сатып алуу үчүн 2,6 миллион сомго тендер жарыяланып, ал коомчулукта ар кыл пикир, талкууну жараткан. Кийинчерээк ал ЖКнын ошол кездеги төрагасы Жээнбековдун буйругу менен жокко чыгарылган. 

КСДП партиясынын депутат болуп келген Кожобек Рыспаев жаңы депутаттарга сатып алынат деген кресло жана килемчелер боюнча маселе кандай аяктагандыгына кызыкты. 

"Бизге чет өлкөдөн да меймандар келгендиктен, тышкы көрүнүшүбүз да жакшыраак болушу керек. Ал эми жалпыга маалымдоо каражаттарынын бир канчасы, укук коргоочулар аны сындап чыгышты. Бул жерде жаман эч нерсе деле жок", — деди ал.

Буга чейин депутат кресло боюнча Sputnik маалымат агенттигине берген комментарийинде иштебей калган 23-30га чукул кресло бар экендигин, акыркы кезде ызы-чуу чыгаруу адаты пайда болду деген пикирин айткан.

Жээнбековдун пикиринде, кресло менен башка техникаларды алмаштыруунун өтө зарылчылыгы жок. 

"Чындыгында эле бир нече креслолор 5-6 ирет оңодолуптур, аларды алмаштыруу керек экен. Биз болгону аларды оңдоп койдук", — деди Жээнбеков.

Ал креслону алмаштыруу чечими кабыл алынгандыгын, бирок, бул жайга жакын, жөнөкөйрөөктөрү сатып алына тургандыгын айтты.

"Булгаары капталбаган, термелбегендери алынат. Алар 20-30 жылга чыдайт деп ниет кылам", — деди Жээнбеков.

Компьютер жана микрофон менен жайгашкан жумуш ооруну. Архив - Sputnik Кыргызстан
Отургучтары сынган эл өкүлдөрүнүн ойлору же келе элек жатып кесирлүү аталган парламент
Мындан сырткары ал ЖКнын коридорлорундагы эле эмес, жыйындар залындагы килемдерди алмаштыруу зарылдыгын айтты.

Парламент төрагалыгына талапкер мындан ары ЖК мындай маселени чагылдырууда ачыгыраак болуп, ЖМКлар менен дагы бир ирет жоолашпай тургандыгын айтты.

Кресло менен килемдерди сатып алууга тендер жарыялангандыгы туурасында ал кезде маселенин чоо-жайы боюнча комментарий берүүдө ЖКнын Иш башкармалыгы таптакыр жабык болду. Анын жетекчилиги эмгек өргүүсүндө жүргөндүгүн айтса, орун басарынын "башка иштерден улам" бул боюнча маалымат берүүгө чамасы болгон эмес.

Жаңылыктар түрмөгү
0