Атамбаев Ош шаарынын жашоочуларын көпүрөдөй данакер болууга чакырды

© пресс-служба мэрии города ОшПрезидент Алмазбек Атамбаев.
Президент Алмазбек Атамбаев. - Sputnik Кыргызстан
Жазылуу
Атамбаев Оштогу көпүрөнүн ачылышында сүйлөп жатып, каражат жагынан жардам берген Россияга жана анын президентине ыраазычылык билдирди.

БИШКЕК, 28-окт. — Sputnik. Президент Алмазбек Атамбаев Оштогу көпүрөнүн салтанаттуу ачылышында сүйлөп жатып, шаардын тургундарын ынтымактуу болууга, улут аралык ынтымакты сактоого чакырды. 

Атамбаев Ош шаарындагы көпүрөнүн ачылышына катышып, элди ынтымакка чакырды
"Мен көпүрөнүн ачылышына атайын келдим. Көпүрөнүн жашообузда символикалык мааниси чоң, элди бириктирип, катташтырып туруу милдетин аткарат. Баарынан ынтымак баалуу. Шаар тургандарына бөлүнбөй аралашып жашагыла демекчимин. Оштун ар бир тургуну көпүрө сымал эки бүлөнү, эки көчөнү, эки улутту бириктирип турушу керек", — деди Атамбаев.

Мамлекет башчысы көпүрөнүн курулушу каражаттын тартыштыгы учуруна туура келгендигин, бирок, мындай ишке акча бөлгөндөр табылгандыгын айтты. 

"Көпүрөнү курууга чоң сумма керек болду. Мен Россиянын президенти Владимир Путинге жардам сурап кайрылдым, ал киши жок деген жок. Учурдан пайдаланып, бул салтанатка катышып жаткан Россиянын Оштогу консулуна ыраазычылык билдире кетем", — деди президент.

Сөзүн жыйыктыктап жатып Атамбаев өлкөдө туруктуулуктун сакталышы маанилүү экендигин, тынчтыктын баасына эч нерсе тең келбегендигин чаң-будуңу чыгып жаткан Жакынкы чыгыштагы өлкөлөрдүн мисалында айтты. 

"Бизге тынчтык маанилүү. Кыргызстан эч кимге тизе бүкпөйт. Биздин жолдон өткөн Украина алапайын таппай калды. Беш-алты араб өлкөлөрү революцияга барабыз деп эмне болду. Кыргызстанда абал Кудайга шүгүр", — деди Атамбаев. 

Президент жакынкы мезгилдерде чек ара маселелери чечилип жөнгө салынарын кошумчалады.

Бул жаңы өтмөк шаардын эки бөлүгүн байланыштырып турат, анын узундугу — 265 метр, туурасы — 23,9 метр, бийиктиги — 5,5 метр.

Жаңылыктар түрмөгү
0