ИИМ качкын кылмышкерлер тууралуу маалымат үчүн 1 млн. сом сыйлык берет

© Sputnik / Табылды КадырбековКачкындарды издөө иштери. Архив
Качкындарды издөө иштери. Архив - Sputnik Кыргызстан
Жазылуу
Учурда укук коргоо орган кызматкерлери Аламүдүн районунун жаңы конуштарында, дачаларында, Бишкек шаарынын түндүк жана түштүк бөлүктөрүндө издөө аракеттерин күчөттү.

БИШКЕК, 19-окт. — Sputnik. Түрмөдөн качкан кооптуу кылмышкерлердин жайгашкан жери тууралуу маалымат үчүн эми бир миллион сом сыйлык бериле турганын ички иштер министри Мелис Турганбаев билдирди.

Өткөн аптанын башында 50-түрмөдөн тогуз кылмышкер качып чыккан. Токтотууга аракет кылган үч ЖАМК кызматкерин өлтүрүп, дагы бирин  оор жарадар кылышкан. Ал беш күндөн кийин эсине келбей ооруканада каза болду.

Атайы операция учурунда качкындары бешөө кармалып, төртөө из суутуп кетүүгө үлгүргөн. 16-октябрда издөө иш-аракеттеринен улам Бишкектин чет-жакасындагы "Дордой-1" жаңы конушунан кылмышкерлердин бири Данияр Кадыралиев жок кылынган.

Министр МВД Мелис Турганбаев - Sputnik Кыргызстан
Турганбаев: качкан кылмышкерлерди жаап-жашыргандар мыйзам чегинде жооп берет
Учурда укук коргоо орган кызматкерлери Аламүдүн районунун жаңы конуштарында, дачаларында, Бишкек шаарынын түндүк жана түштүк бөлүктөрүндө издөө аракеттерин күчөттү. 

Изделип жаткан өтө кооптуу кылмышкерлер Алтынбек Итибаев, Эдил Абдырахманов жана Азамат Мусуралиевдер сакалдарын алып салган деген маалымат бар. 

Аталган качкындарды көргөн-билгендер болсо (0312) 26-60-27, (0312 66-23-31, 26-60-66), 0-555-32-00-22, 0-702-90-50-39, 0-555-70-95-78, 0-558-202-102 телефондору аркылуу маалымат берсе болот.

Маалымат берген адамдын аты-жөнү сыр бойдон калуусуна жана сыйлыктын тапшырылышына кепилдик берилет.

Жаңылыктар түрмөгү
0