13:12 19 Аяк оона 2019
Түз эфир
  • USD69.8460
  • EUR77.1205
  • RUB1.0841
Бишкек шаарынын Киев көчөсүндө ири автотыгын пайда болду. Архив

Футболдук беттештен улам Киев көчөсүндө ири автотыгын пайда болду

© Sputnik / Эркин Алымбеков
Коом
Кыскача шилтеме алуу
Кыргызстан — Бангладеш беттеши (19)
6710

Кыргызстан менен Бангладештин командаларынын беттеши боло тургандыктан, түшкү саат 13.00дөн тарта Киев көчөсүндөгү кыймылга чектөө киргизилген. Беттеш башталганга чейин милиция стадиондун жана ага жакын аймакка көз салып турушу керек.

БИШКЕК, 13-окт. — Sputnik. Кыргызстан менен Бангладеш курама командаларынын бүгүн болчу беттешинен улам, Киев көчөсүндө ири автотыгын пайда болгонун Sputnik агенттигинин кабарчысы жеринен маалымдады.

Оюн кечки саат сегизде Дөлөн Өмүрзаков атындагы стадиондо башталат. Чүй, Тоголок Молдо, Исанов жана Фрунзе көчөлөрүндөгү кыймылга түшкү саат бирден тарта чектөө киргизилген.

Автоунаалардын көбү Киев көчөсүнө чыккандыктан, ал жакта ири автотыгын пайда болуп, анын кесепетинен Киев жана Тоголок Молдо көчөлөрүнүн кесилишинде жол кыймылы жарым сааттай токтоп калган.

Шаардык жол кайгуул кызматынан билдиргендей, автотыгынды азайтуу үчүн тийиштүү кызматтын өкүлдөрү иштеп жатат. Бирок автоунаанын көптүгүнөн аларды жөнгө салуу оор болууда.

"Кыймыл жай, жол кайгуул кызматынын өкүлдөрү иштеп жатат", — деп аталган кызматтан билдиришти.

Чүй, Эркиндик, Жибек Жолу жана Исанов көчөлөрүндөгү кыймыл оюн аяктагандан кийин түнкү саат ондо калыбына келтирилет.

Тема:
Кыргызстан — Бангладеш беттеши (19)

Тема боюнча

Кыргызстан менен Бангладештин командалары бүгүн Бишкекте беттешет
Бангладештин командасынын машыктыруучусу: эртеңки оюнда Кыргызстанга кыйын болот
Белгилер:
жол, футбол, Бангладеш, Бишкек, Кыргызстан

ЭҢ МААНИЛҮҮ