Россияда жүргөн 1065 гана кыргызстандык шайлоого катышты

© Фото / Жылдыз ОсмоноваМосквада Кыргызстандын элчилигинин имаратында жайгашкан шайлоо участкасы. Архив
Москвада Кыргызстандын элчилигинин имаратында жайгашкан шайлоо участкасы. Архив - Sputnik Кыргызстан
Жазылуу
Парламенттик шайлоо күнү чет жакта 36 шайлоо участкасы ачылган.

БИШКЕК, 5-окт. — Sputnik. Россиянын аймагында ачылган шайлоо участкаларынан 1065 киши өз добушун бергенин Кыргызстандын Россиядагы элчилигинин маалымат катчысы Айымкан Кулукеева билдирди.

Москвадагы шайлоо участогун гимн ырдап ачышты
4-октябрда өлкөдө парламенттик шайлоо өтүп, анда 14 саясий партия ат салышты. Борбордук шайлоо комиссиясынын алдын ала жыйынтыктары боюнча, жети пайыздык босогону аша алган партиялардын саны алтыга жетти.

Россияда кыргызстандык мигранттар көп жашаган алты шаарда — Москва, Санкт-Петербург, Екатеринбург, Новосибирск, Красноярск жана Владивостокто шайлоо участкалары ачылган. Россиянын аймагында жүргөн жарандардын 9 миң 375и биометрикалык маалыматтарын тапшырган. 

Ал эми КРдин Түркиядагы элчилигинде да добуш берүү өтүп, ага консулдук тизмеде турган жана биометрикалык маалымат тапшырган жарандардын 51 пайызы өз добушун берген. КР Тышкы иштер министрлигинен билдиришкендей, добуш берүүгө Анкара, Эскишехир, Конья, Кайсери сыяктуу шаарлардагы студенттер, аспиранттар, курсанттар активдүү катышкан. Шайлоо учурунда адаттан тыш эч кандай окуя катталган эмес.

Жаңылыктар түрмөгү
0