Нарында ширетүүчү кесибине суроо-талап күч алды

Жазылуу
Иш-чаранын катышуучулары Жогорку Нарын каскадынын курулушу менен ширетүүчү кесибинин кадыр-баркы жогорулаганын белгилешти.

БИШКЕК, 28-сен. — Sputnik. Нарын облусунун үч окуу жайына газ ширетүү боюнча жаңы курстар киргизилгенин БУУнун Өнүктүрүү программасынын өкүлү Мирлан Дыйканбаев билдирди.

Жогорку Нарын ГЭСтер каскадын курууга 565 гектар жер бөлүп берилди
Иш-чара "Нарын облусунун комплекстүү өнүгүүсү" программасынын алкагында ишке ашып, аймактагы кесиптик лицейлердин окутуучулар үчүн өткөрүлгөн ширетүү боюнча практикалык семинарлар аяктады.

Маалыматка ылайык, лицей класстары 1 миллион 540 миң сомдук заманбап жабдык жана атайын адабият менен камсыз болду.

Дөбөлү айылынын №30 кесиптик лицейинин мастери Бакыт Муталип уулу ширетүүчүгө жергиликтүү эмгек рыногунда талап жогору экенин, бул кесипке окутуу жумушсуздукту кыскартып, курулуш инфраструктурасын жакшыртууга өбөлгө болорун белгиледи.

"Учурда ширетүүчүгө ар биринде 30дан студент окуган эки тайпа билим ала баштады. Нарында курулуп жаткан гидроэлектростанцияларды эске алуу менен бул кесиптин баа-баркы жогорулады", — деди окутуучу.

Ысык-Көл курортундагы эс алуучулар. Архив - Sputnik Кыргызстан
Ысык-Көл менен Таласта жашоо арзандап, ал эми Нарында кымбаттаган
Мындан тышкары, аймакта биринчи жолу студенттердин мүмкүнчүлүктөрүн эске алуу менен окутуунун ийкемдүү формасы киргизилди. 

Россиянын каржылоосундагы "Нарын облусунун комплекстүү өнүгүүсү" программасы Ак-Талаа, Ат-Башы жана Жумгал райондорунун 30 айылдарында иш алып барат. Жалпы бюджети 3,5 миллион долларды түзгөн программанын негизги максаты туруктуу социалдык-экономикалык өнүгүү үчүн шарттарды түзүү менен Нарын облусундагы жакырчылыкты кыскартууга багытталат.

Жаңылыктар түрмөгү
0