Афганчы-жоокерлер Ардагерлер кеңешинин 25 жылдык мааракесин белгилөөдө

БИШКЕК, 25-сен. — Sputnik. Кыргызстанда афганчы ардагерлердин республикалык кеңешинин 25 жылдык мааракеси өтүп жатканын аталган уюм билдирди.

Республикалык кеңеш Кыргыз ССРинин өкмөтү тарабынан 1990-жылдын 26-сентябрында түзүлгөн.

Өзбекстан, Казакстан, Тажикстан, Молдовадан келген коноктор менен кеңештин мүчөлөрү Ата-Түрк паркындагы Афган согушунда курман болгондордун эстелигине гүлчамбар коюшат. Андан кийин филармонияда салтанаттуу иш-чара өтөт.

Кыргызстандыктарды КМШ интернационалист жоокерлердин иши боюнча комитеттин төрагасы Александр Ковалев куттуктайт.

Салтанаттуу мааракенин алкагында интернационалист жоокерлерден турган "Көк береттер" тобу жана кыргыз эстрадасынын жылдыздары өз өнөрүн тартуулайт.