00:52 12 Бештин айы 2017
Түз эфир
Воронеж шаарынан көүнүш. Архив

Воронежде Кыргызстандын консулдугу ачылды

© flickr.com / Grigory Gusev
Коом
Кыскача шилтеме алуу
52 0 0

Консул болуп кыргыздардын "Мурас" коомдук уюмунун президенти Талантбек Намазбеков дайындалды.

БИШКЕК, 21-сен. — Sputnik. Россиянын Воронеж облусунда Кыргызстандын  консулдугу ачылганын КРнын аталган мамлекеттеги элчилиги билдирди. 

Маалыматка ылайык, Кыргызстандын Россиядагы элчиси Болот Жунусов алгач Воронеж облусуна барып, губернатордун орун басары Андрей Ревков менен жолугушту. Анда эки тараптуу экономикалык, маданий жана билим берүү жаатындагы кызматташуу талкууланды.

Элчи Воронеждин борбордук аянтында шаар күнүнө карата куттуктоо сөзүн сүйлөдү.

Андан соң Ревков менен Жунусов облуста жаңы консулдуктун ачылуу салтанатына катышты. Консул болуп кыргыздардын "Мурас" коомдук уюмунун президенти Талантбек Намазбеков дайындалды.

Ошол эле күнү Жунусов кыргыз диаспорасынын өкүлдөрү жана Россия Коргоо министрлигинин аскердик-аба академиясында билим алып жаткан кыргызстандык курсанттар менен жолукту. 

Мындан тышкары, 20-сентябрда кыргыз делегациясы жергиликтүү администрация өкүлдөрү менен биргеликте Советтер Союзунун баатыры Чолпонбай Түлөбердиевге жана Улуу Ата Мекендик согушта курман болгондорго арналган иш-чараларга катышты.

Тема боюнча

Британиялык элчи Максим Бакиевди кылмыш жообуна тартууга көмөктөшөрүн билдирди
ТИМ: кореялык элчиге мамлекеттин ички ишине кийлигишпөөсү тууралуу эскертүү берилди
Белгилер:
диаспора, элчи, консулдук, Кыргызстан, Воронеж
Колдонуу эрежелериПикирлер

ЭҢ МААНИЛҮҮ