00:46 12 Бештин айы 2017
Түз эфир
ЕККУнун желеги. Архив

ЕККУнун парламентарийлери Кыргызстандагы шайлоого байкоо салат

© flickr.com / OSCE Parliamentary Assem
Коом
Кыскача шилтеме алуу
Парламенттик шайлоо 2015 (146)
4700

Байкоочулардын миссиясы — Кыргызстандагы шайлоо демократиялык жол менен өтүшүнө байкоо жүргүзүү.

БИШКЕК, 21-сен. — Sputnik. Европадагы коопсуздук жана кызматташтык (ЕККУ) боюнча уюмдун байкоочулары Кыргызстанда жакында боло турган шайлоого байкоо жүргүзөт. Бул туурасында аталган уюмдун Кыргызстандагы өкүлчүлүгүнүн маалымат кызматы билдирди.

ЕККУнун учурдагы төрагасы Ивица Дачич Австрия парламентинин өкүлү Кристин Муттоненди 4-октябрдагы парламенттик шайлоого байкоо жүргүзө турган кыска мөөнөттүү байкоочулар миссиясына жетекчиликке дайындады. 

Аны менен кошо Чехиянын парламентинин өкүлү Иван Добешов ЕККУнун парламенттик Ассамблеясынын делегациясын жетектеп келет. Анын курамында 16 мамлекеттин 31 парламентарийи бар. 

Байкоочулар Кыргызстанды аймактарындагы шайлоо участокторуна барышат. Миссия ЕККУнун 1990-жылы кабыл алган Копенгаген документинин негизинде шайлоонун демократиялуу өтүшүн баалашат деп айтылат өкүлчүлүктүн маалыматында. 

ЕККУ Кыргызстанда 2000-, 2005-, 2007- жана 2010-жылдарда өткөн парламенттик шайлоолорго катышкан. Бул уюмдун өкүлдөрү 2005-, 2009- 2011- жылдардагы президенттик шайлоого да келишкен.

Тема:
Парламенттик шайлоо 2015 (146)

Тема боюнча

Премьер БУУ өкүлү менен парламенттик шайлоо баш болгон бир нече маселени талкуулады
Шайлоо учурунда жарандарды 10 миңден ашуун оператор тейлейт
Белгилер:
байкоочу, миссия, парламенттик шайлоо, ЕККУ
Колдонуу эрежелериПикирлер

ЭҢ МААНИЛҮҮ