Вице-премьер: күч түзүмдөрү шайлоодо коопсуздукту камсыз кылышы керек

© Sputnik / Табылды КадырбековКыргыз Республикасынын вице-премьер-министри Маматалиев Абдырахман Мадакимович
Кыргыз Республикасынын вице-премьер-министри Маматалиев Абдырахман Мадакимович - Sputnik Кыргызстан
Жазылуу
Абдырахман Маматалиев митинг жана башаламандык уюштура коём дегендерге укук коргоо органдары тез арада чара көрүшү керектигин айтты.

БИШКЕК, 20-сен. — Sputnik. Кыргызстандын тартип коргоо органдары шайлоо алдында жана шайлоо учурунда республика ичинде коопсуздукту жана тынчтыкты камсыз кылышы керек. Бул туурасында вице-премьер-министр Абдырахман Маматалиев күч түзүмдөрү менен жолугуп жатканда айтты.

Парламенттик шайлоо 2015-жылдын 4-октябрында өтөт. Шайлоо алдындагы жарышка учурда 14 партия катышууда. Үгүт иштери 4-сентябрда башталган. 

"Парламенттик шайлоодо мамлекеттик бийликтин бардык органдары бири-бири менен эриш-аркак иштеши зарыл. Тартип коргоо органдары шайлоого даярдык күндөрү, добуш берүү күндөрү өлкөдө коопсуздук менен тынчтыкты камсызы кылышы зарыл",— деди вице-премьер.

Маматалиев экстремисттик жана террористтик топтордун элдин же айрым бир жерлердин тынч жашоосун бузууга жасаган аракеттеринин алдын алуу зарылдыгын өзгөчө белгиледи.

"Облустарды тартип жана коопсуздук менен камсыздоого бардык күч жана каражаттар жумшалышы керек",— деди вице-премьер.

Ал укук коргоо органдарынын иши "шайлоону ачык, демократиялуу өтүшүн камсыз кылууга багытталышы керектигин" айтты. 

"Өзүнүн шарттарын таңуулап, шайлоо комиссияларына басып жасап жана добуш берүү участокторунда ишти үзгүлтүккө учуратууга эч кимге жол берилбейт. Бардыгы так, мыйзам чегинде өтүшү керек. Андыктан, мен шайлоодон кийин нааразычылык акциялары, баш-аламандык болушуна эч кандай негиз болбойт деп ишенем",— деди Маматалиев.

Аткаминер, эгерде кимди бирөө башаламандык жаратып же митинг уюштурууга ниеттенсе, тартип коргоо органдары андайларга тез арада чара көрүшү керектигин айтты.

Жаңылыктар түрмөгү
0