Президент Кызыл-Кыядагы төрөт бөлүмүнө медициналык жабдуу сатып бермей болду

© Sputnik / Расул УсеналиевКызыл-Кыя шаардык ооруканасынын имараты. Архив
Кызыл-Кыя шаардык ооруканасынын имараты. Архив - Sputnik Кыргызстан
Жазылуу
2011-жылы болгон жер титирөөдөн шаардык оорукананын төрөт бөлүмү жараксыз абалга келген. Ал убакта премьер-министр болуп турган Атамбаев шаардык төрөт үйүн оңдоону тийиштүү жактарга тапшырып, бир тобу жасалган.

КЫЗЫЛ-КЫЯ, 17-сен. – Sputnik. Президент Алмазбек Атамбаев Кызыл-Кыя шаардык ооруканасынын төрөт бөлүмүнө жыл аягына чейин 3,5 миллион сомго керектүү медициналык жабдуу алып берүүгө убада берди. Бул тууралуу мамлекет башчысы аталган оорукананын абалы менен таанышып жаткан учурда билдирди. 

2011-жылы болгон жер титирөөдөн шаардык оорукананын төрөт бөлүмү жараксыз абалга келген. Ал убакта премьер-министр болуп турган Атамбаев шаардык төрөт үйүн оңдоону тийиштүү жактарга тапшырып, бир тобу жасалган. 

Президент бүгүн оорукананын абалы менен таанышып, жыл аягына чейин 3,5 миллион сомдук медициналык жабдуу орнотуп берүүгө убада кылды. 

"Жыл аягына чейин Кудай буюрса, медициналык жабдуулар алынып келип, орнотулат", — деди Атамбаев.

Өлкө башчысы ошондой эле, жыл жаңырганга чейин Кызыл-Кыя шаарына эки балдар аянтчасын жана 2016-жылдын аягына чейин жаштардын борборун салып берүүгө убада берди. 

Кызыл-Кыя шаардык төрөт үйү 70 орунга эсептелип, ал Ош жана Баткен облусунун жакынкы айылдарынын жашоочуларын тейлейт.

Жаңылыктар түрмөгү
0