Баткенде чек арага жакын Көк-Таш айылында дагы бир бала бакча ачылды

© Sputnik / Григорий Сысоев / Медиабанкка өтүүБала бакча. Архив
Бала бакча. Архив - Sputnik Кыргызстан
Жазылуу
Өкмөттүн Баткендеги ыйгарымдуу өкүлү бала бакчалардын саны боюнча облус биринчи орунда турарын айтты.

БИШКЕК, 16-сент. — Sputnik. Баткен районунун Көк-Таш айылында 50 орундуу жаңы бала бакча пайдаланууга берилди деп билдирди өкмөттүн Баткендеги өкүлүнүн маалымат кызматы.

Бала бакчанын салтанаттуу ачылышында өкмөттүн Баткендеги ыйгарымдуу өкүлү Жеңиш Разаков мамлекеттин келечеги болгон балдардын өсүп-өнүгүүсүнө шарттар түзүлүп жатканын айтты.

"Элдин социалдык-экономикалык абалын жакшыртуу боюнча иштер жүрүп жатат. Ал эми өлкөдө бала бакчалардын саны боюнча Баткен облусу биринчи орунда турат", — деди Разаков.

Баткен облусунун жашоосу. Архив - Sputnik Кыргызстан
Баткен облусундагы 87 айылда таза суу жок
Республикалык бюджеттен бөлүнгөн 19 млн. 876 миң сомго бул бала бакчанын курулушу былтыр январь айында башталган. 

Көк-Таш — Тажикстан менен чектешкен мамлекеттик чек арага жайгашкан жана чек ара чыр-чатактары көп болуп турган айыл. Мындан бир ай мурда аталган айылга чукул жердеги кыргыз-тажик чек ара аймагында кайрадан чыр чыгып, кыргызстандык чек арачы жарадар болгон.

Жаңылыктар түрмөгү
0