16:54 20 Кулжа 2018
Түз эфир
  • USD68.3076
  • EUR78.9465
  • RUB1.0737
Максим Бакиев. Архив

Британиялык элчи Максим Бакиевди кылмыш жообуна тартууга көмөктөшөрүн билдирди

пресс-служба ЦАРИИ КР
Коом
Кыскача шилтеме алуу
104 0 0

Робин Орд-Смит Улуу Британия Кыргызстан менен кызматташууга дилгир экенин белгилеп, Максим Бакиевге байланыштуу маселени чечүүдө өз күч-аракетин жумшоого даяр экендигин билдирди.

БИШКЕК, 14-сен. — Sputnik. Премьер-министр Темир Сариев англиялык тарапты мамлекеттик жооптуу кызматта туруп, мыйзамсыз жол менен мамлекеттин, элдин каражатын жеке өзүнө ыйгарып алганы үчүн сыртынан соттолгон Максим Бакиевди кылмыш жообуна тартууда көмөктөшүүгө чакырды.

Бул тууралуу өкмөт башчы Улуу Британиянын Кыргызстандагы толук жана ыйгарым укуктуу элчиси Робин Орд-Смитти кабыл алуу учурунда билдиргенин өкмөттүн маалымат кызматы кабарлайт.

Жолугушууда эки өлкө ортосундагы саясий, соода-экономикалык кызматташтыкты өнүктүрүү жолдору, ошондой эле дүйнөдөгү коопсуздукка байланыштуу жана экстремизм, терроризмге каршы күрөш маселелери талкууланды.

Сариев Улуу Британия Кыргызстандагы парламенттик демократиянын өнүгүшүнө колдоо көрсөтүп келе жатканын белгилеп, бул жааттагы кызматташууну улантууга кызыкдарлыгын билдирди.

Өз кезегинде Робин Орд-Смит Улуу Британия Кыргызстан менен кызматташууга дилгир экенин белгилеп, Максим Бакиевге байланыштуу маселени чечүүдө өз күч-аракетин жумшоого даяр экендигин билдирди.

Тема боюнча

Бакиевдерди экстрадициялоо боюнча Кыргызстан ЕКПАнын колдоосун өтүндү
Журналист Сыргак Абдылдаевге кол салуу фактысы боюнча Жаныш Бакиев күнөөлөнүүдө
Белгилер:
өкмөт, элчи, Максим Бакиев, Темир Сариев, Кыргызстан, Улуу Британия
Колдонуу эрежелериПикирлер

ЭҢ МААНИЛҮҮ