БИШКЕК, 14-сен. — Sputnik. Өзбекстанга өтүп кеткен 15 жылкы мал ээлерине кайтарып берилгенин Мамлекеттик чек ара кызматы билдирди.
Маалыматка ылайык, үстүбүздөгү жылдын 3-сентябрында Жалал-Абаддын Аксы районундагы Кош-Дөбө айылынын тургундары 15 баш жылкы Өзбекстанга кирип кеткенин айтып, чек арачылардан жардам сурашкан.
Аталган маселе боюнча райондун Бел-Сөгөт аймагында кыргыз-өзбек чек арачыларынын жолугушуусу өттү. Сүйлөшүүлөрдүн соңунда өзбек тарап өз аймагына өтүп кеткен жылкыларды кыргыз чек арачыларына өткөрүп беришкен.
Учурда жылкылар өз ээлерине кайтарып берилди.
