БИШКЕК, 14-сен. — Sputnik. Бүгүн Бишкек шаарында мезгил-мезгили менен жаан жаап, батыштан соккон шамалдын ылдамдыгы секундасына 4-9 метрге чейин жетет. Бул тууралуу Кыргызгидромет билдирди.
Абанын температурасы күндүз +16…+18 градус, түнкүсүн +6…+8 градус жылуу болот. Ал эми Ош шаарында да жаан жаайт, күндүз күн 26 градуска чейин ысыйт
Ошондой эле Кыргызгидромет аба ырайы өлкө аймагы боюнча кесин өзгөрүлө турганын эскертет. 14-15-сентябрда аба ырайы кескин өзгөрүп, тоолуу райондордо кар жаайт. Бийик тоолуу аймактардагы автожолдор тонголок тартып, тайгак болот. Бүгүн батыштан соккон шамалдын ылдамдыгы секундасына 17-22 метрге жетет.
Абанын температурасы өлкөнүн бардык аймактарында төмөндөйт. Мындай жаан-чачындуу аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатат, дейт аталган кызмат.
