02:36 23 Теке 2018
Түз эфир
  • USD68.2377
  • EUR79.4389
  • RUB1.0748
Медицинская сестра осматривает больного

Педиатр: начар тамактанган балдардын акыл-эси өрчүбөй калат

© Sputnik / Табылды Кадырбеков
Коом
Кыскача шилтеме алуу
6510

Улуттук статистикалык комитеттин маалыматы боюнча, Кыргызстанда үч жашка чейинки балдар белок жана май жетишсиз камтылган төмөн калорийлүү тамактар менен азыктанышат.

БИШКЕК, 9-сен. — Sputnik. Наристелердин азыгында тоюмдуу заттардын жетишсиздиги алардын акыл-эсинин жана денесинин өрчүшүнө терс таасир тийгизе турганын №3 шаардык балдар ооруканасынын жогорку категориядагы дарыгери Венера Жапаркулова билдирди.

Улуттук статистикалык комитеттин маалыматы боюнча, Кыргызстанда үч жашка чейинки балдар  белок жана май жетишсиз камтылган, төмөн калорийлүү тамактар менен азыктанышат.

Андан чоңураак балдардын тамагында калорий жетиштүү болгону менен, статистикага ылайык алар эт, май, жумуртка, сүт азыктарын көп жешпейт.

Дарыгердин айтымында, беш жашка чейинки наристелер бош, назик болушат — тоюмдуу заттардын жетишсиздиги организмдеги темирдин азайышына, анемияга алып келип, ооруга туруштук берүүсүн начарлатат.

"Энелер менен маектешүүдө балдарын керектүү тамак менен камсыздоого алардын каражаты чектелүү экенин көрөм. Керек болсо, нан-чай менен гана отургандар бар. Балдарын деле ошону менен тоюндурушат", — дейт Жапаркулова.

Педиатр наристелердин организми айрым азыктарды сиңире албай турганын, ошону менен бирге туура эмес бир түрдүү тамак баланын ден соолугун жабыркатышы мүмкүн экенин кошумчалады.

Тема боюнча

Өлкөдөгү мектеп окуучуларынан үчтөн бирине ысык тамак берилүүдө
Республикалык жугуштуу оорулар ооруканасына күнүнө 250дөй жаран кайрылып жатат
Белгилер:
май, оорукана, дарыгер, организм, бала, азык-түлүк, тамак-аш
Колдонуу эрежелериПикирлер

ЭҢ МААНИЛҮҮ