Райакимиаттар WhatsApp аркылуу таштандыдан арылууга кошулат

Жазылуу
Мэрия билдиргендей, эми шаар тургундары тазаланбаган таштанды тууралуу өзүнүн дарегин так айтуу менен билдире алат.

БИШКЕК, 2-сен. — Sputnik. Бишкек мэриясы тазаланбаган таштанды тууралуу маалымат кабыл алуучу шаардын райондук акиматтарынын WhatsApp байланыш телефондорун жарыялады. 

Атамбаев мэрге шаарды таштандыдан тазалай албаса, башка жумуш издөөнү сунуштады
Август айынын аягында Бишкектин айрым үйлөрүндө "Эгер корооңуздагы челектер таштандылардан бошотулбаса, сүрөтү менен дарегин WhatsApp 0 550 22 06 15 номерине жөнөтүп жибериңиз" деп жазылган баракчалар илинген. Аталган номердин ээси "Тазалык" ишканасынын жетекчиси Рысбек Сарпашев баракчаларды белгисиз адамдар таркатканын билдирген. 

Мэриянын маалымат кызматы билдиргендей, эми шаар тургундары тазаланбаган таштанды тууралуу өзүнүн дарегин так айтуу менен билдире алат. 

  • Ленин району — 0 (556) 25-05-82;
  • Октябрь району — 0 (777) 55-22-11;
  • Биринчи май району — 0 (771) 57-71-82;
  • Свердлов району — 0 (773) 56-73-70.

Шейшемби күнү президент Алмазбек Атамбаев шаардын мэри Кубанычбек Кулматов жыл аягына чейин таштанды маселесин чечпесе, кызматынан кетерин айткан. Калаа башчысы кырдаал чындап жетер чегине жеткенин, президенттин сын-пикири объективдүү экенин билдирип, таштанды тазалоо боюнча жаңы реформаларды киргизе турганын белгилеген.

Жаңылыктар түрмөгү
0