Президент мыкты студенттер менен жолугуп, аларды биометрикадан өтүүгө чакырды

© Sputnik / Екатерина МихайловаПрезидент Алмазбек Атамбаев мамлекеттик резиденцияда өтүп жаткан салтанатта жергиликтүү жогорку окуу жайлардын 46 студентин мактоо грамотасын жана стипендия менен сыйлады.
Президент Алмазбек Атамбаев мамлекеттик резиденцияда өтүп жаткан салтанатта жергиликтүү жогорку окуу жайлардын 46 студентин мактоо грамотасын жана стипендия менен сыйлады. - Sputnik Кыргызстан
Жазылуу
Президенттин колунан мактоо грамоталарын жана атайы стипендия алуу үчүн 200 миң студенттин арасынан 46сы гана тандалып алынган.

БИШКЕК, 27-авг. — Sputnik. Президент Алмазбек Атамбаев мамлекеттик резиденцияда өтүп жаткан салтанатта жергиликтүү жогорку окуу жайлардын 46 студентин мактоо грамотасын жана стипендия менен сыйлады.

Өз сөзүндө өлкө башчысы мамлекеттин потенциалы тууралуу айтып, студенттерге өз күч-аракеттерин пикет-митингдерге эмес, туура багытка жумшоону каалады. Президент өлкө келечеги нефть, алтын, газ запастарынан эмес, адам потенциалынан көз каранды экенин белгиледи.

"Мамлекетибиздин келечеги кең, анткени биздин потенциалыбыз абдан чоң. Өлкө бюджеттин 23 пайызын билим берүүгө жумшайт", — деди Атамбаев.

Грамота менен стипендияларды тапшыруу алдында президент студенттерден биометрикалык маалымат тапшырып, парламенттик шайлоого катышуусун өтүндү.

Жаңылыктар түрмөгү
0