11:36 21 Үчтүн айы 2020
Түз эфир
  • USD69.7130
  • EUR77.3082
  • RUB1.1342
Коом
Кыскача шилтеме алуу
80 0 0

Япония өкмөтү 1992-жылдан бери "Өнүгүүгө расмий жардам" долбоорунун алкагында Кыргызстанга 570 миллион доллар өлчөмүндө жардам көрсөттү.

БИШКЕК, 29-июль — Sputnik. Япония "Кадрларды даярдоо үчүн стипендия чектөө" долбоору боюнча кайтарымсыз грант иретинде 213 миллион япон иенин берет. Тийиштүү меморандумга Каржы министрлигинде кол коюлганын мекеменин маалымат кызматы кабарлайт.

Долбоор Япониянын алдыңкы окуу жайларында билимин тереңдетүү үчүн бара турган Кыргызстандын мамлекеттик кызматкерлерине стипендия чектөө менен адам ресурстарын өнүктүрүү аркылуу жардам берүүнү көздөйт. Окуу эки жылдык мөөнөткө каралган.

Япония өкмөтү 1992-жылдан бери "Өнүгүүгө расмий жардам" долбоорунун алкагында Кыргызстанга 570 миллион доллар өлчөмүндө жардам көрсөтүлдү. Каражат адам ресурсун өнүктүрүү, транспорт сектору, экономика жана социалдык секторду өнүктүрүүгө жумшалган.

"Долбоордун алкагында Кыргызстандын мамлекеттик кызматкерлери 2006-жылдан бери билим алып келе жатышат. Аталган программанын алкагында 2015-2016-жылга карата 15 адам тандалып алынды", — деди Каржы министри Адылбек Касымалиев. 

Өз кезегинде Япониянын толук ыйгарым укуктуу элчиси Такаюки Коикэ Япониядан окуп келген стипендианттар Кыргызстандын министрликтери менен мекемелеринде ийгиликтүү иштеп жатышканын белгиледи.

Тема боюнча

Япониянын Фудзи тоосунун чокусуна Кыргызстандын желеги сайылды
Россияда окууну каалагандар үчүн мамлекеттик экзамен тапшыруу пункттары ачылат
Белгилер:
грант, жардам, Адылбек Касымалиев, Япония

ЭҢ МААНИЛҮҮ