Сарпашев: 6 ай мээнет кылган дыйкан көрбөгөн пайданы алып сатарлар 6 саатта таап жатат

© Sputnik / Виталий Аньков / Медиабанкка өтүүКартошка чогултуу. Архив
Картошка чогултуу. Архив - Sputnik Кыргызстан
Жазылуу
Биринчи вице-премьер-министр айыл чарба продукциясын өндүргөн дыйкандар пайда таппастан, алып-сатар ортомчулар көп киреше алып жатканын, мындан улам район-шаарларда уюштурулган жармаңке аркылуу атаандаштыкты күчөтүү зарылдыгын белгиледи.

БИШКЕК, 24-июль — Sputnik. Кыргызстандын аймактарында айыл чарба жармаңкеси уюштурулушу керектигин биринчи вице-премьер-министр Тайырбек Сарпашев Айыл чарба жана мелиорация министрлигинин коллегия жыйынында билдирди.

Анын айтымында, айыл чарба продукциясын өндүргөн дыйкандар киреше таппастан, алып-сатар ортомчулар пайда көрүп жатышат. Мындан улам, район-шаарларда уюштурулган жармаңке аркылуу атаандаштыкты күчөтүү зарылдыгы жаралууда.

"Мисалы, капустанын баасы Араванда 1 сомго чейин түштү, борбордо 20 сомдон сатылууда. Мында алты ай мээнет кылган дыйкан көрбөгөн пайданы алып сатарлар алты саатта таап жатат. Ошондуктан дыйкандар товарын керектөөчүгө түз сатуусу үчүн тез арада жер-жерлерде жармаңкелерди уюштуруу керек", — биринчи вице-премьер.

Жыйындын жыйынтыгы менен район акимдерине, шаар мэрлерине жармаңке уюштуруу боюнча протоколдук тапшырма даярдалды.

Жаңылыктар түрмөгү
0