Кыргызстан менен Араб Эмирлиги бири-бирине укуктук жардам көрсөтөт

© Sputnik / Александр Юрьев / Медиабанкка өтүүАбу-Даби шаары. Архив
Абу-Даби шаары. Архив - Sputnik Кыргызстан
Жазылуу
Жардам сотко чакыруу жана башка соттук документтерди же процессуалдык аракеттерде, суроо-талаптардын жардамы менен далилдерди алууда жана сот чечимдерин, макулдашууларды жана арбитраждык чечимдерди аткарууда көрсөтүлөт.

БИШКЕК, 22-июль — Sputnik. Президент Алмазбек Атамбаев Кыргызстан менен Бириккен Араб Эмирлигинин (БАЭ) ортосундагы келишимди ратификациялоо боюнча мыйзамга кол койду. 

Маалыматка ылайык, 2014-жылдын 7-декабрында Дубай шаарында кол коюлган Кыргызстан менен Бириккен Араб Эмирлигинин ортосундагы Берүү жана Жарандык жана коммерциялык иштер боюнча өз ара укуктук жардам жөнүндө макулдашуу ратификацияланды. 

Дарыкана кызматкери. Архив - Sputnik Кыргызстан
ЕАЭБ алкагында дары-дармек каражаттары бирдиктүү эреженин негизинде жүгүртүлөт
Эки мамлекеттин ортосундагы берүү боюнча келишим эки мамлекеттин кылмыштуулукка каршы күрөшүү боюнча кызматташтыгын андан-ары чыңдоо максатында жалпы кабыл алынган эл аралык принциптерге ылайык өз ара урмат көрсөтүү, суверенитет жана тең укуктуулук менен өз ара пайда көрүү принциптерин сактайт.

Ал эми Жарандык жана коммерциялык иштер боюнча өз ара укуктук жардам жөнүндө макулдашуу аталган иштер боюнча КР жана БАЭ мамлекеттик органдарынын ортосундагы кызматташтыкты караштырат. Жардам сотко чакыруу жана башка соттук документтерди же процессуалдык аракеттерде, суроо-талаптардын жардамы менен далилдерди алууда жана сот чечимдерин, макулдашууларды жана арбитраждык чечимдерди аткарууда көрсөтүлөт.

Мыйзамдар Жогорку Кеңеш тарабынан 2015-жылдын 17-июнунда кабыл алынган.

Тышкы иштер министрлигине ратификациялык грамоталарды өз ара алмашуу милдети тапшырылды.

Мыйзамдар расмий жарыялангандан кийин он күн өткөн соң күчүнө кирет.

Жаңылыктар түрмөгү
0