Наристени сатып алган аял баланы кайтаруудан баш тартууда

© Sputnik / Владимир Песня / Медиабанкка өтүүЖаш баланын оюну. Архив
Жаш баланын оюну. Архив - Sputnik Кыргызстан
Жазылуу
Наристени сатып алган аял баланы кайтарып берүүдөн караманча баш тартууда, ал эми баланын атасы күнөөсүн моюндабай келет.

БИШКЕК, 10-июль — Sputnik. Эне ушул убакка чейин күйөөсү сатып жиберген эки жашар баласын кайтара албай жатканын Акыйкатчы институтунун маалымат кызматы билдирет.

Буга чейин Акыйкатчынын аппаратына Токтогул районунун тургуну кайрылып, бир жылдан бери эки жаштагы баласын кайтарып ала албай жүргөнүн билдирген.

Акча кармаган жаш бала. Архив - Sputnik Кыргызстан
Аялынын жоктугунан пайдаланып, күйөөсү эки жашар баласын сатып жиберген
Аялдын айтымында, ал 2014-жылдын апрель айында Россияга иштегени кетип, балдарын күйөөсүнө калтырган. Күйөөсү аялынын жоктугунан пайдаланып эки жашар баласын Чүй облусунун тургунуна 50 миң сомго сатып жиберген

Акыйкатчы институтунун кийлигишүүсү менен бул окуя боюнча кайрылган эненин арызын Токтогул РИИБ кабыл алган.

Иликтөө иштеринин жүрүшүндө, Токтогул РИИБдин кызматкерлери балдарды жана үй-бүлөнү коолдоо бөлүмүнүн өкүлү менен биргеликте баланы сатып алган аял менен жолугушуу үчүн Бишкек шаарына келишкен.

"Баланы сатып алган аял наристени кайтаруудан караманча баш тартууда, ал эми баланын атасы күнөөсүн мойнуна албай жатат", — дейт Акыйкатчы аппараты.

Институт аталган факт боюнча кылмыш ишин козготуп, бул ишке катыштыгы бар жарандардын аракетине юридикалык баа берүү боюнча иш жүргүзө турганын билдирди.

Жаңылыктар түрмөгү
0