01:59 20 Аяк оона 2019
Түз эфир
  • USD69.8488
  • EUR77.2458
  • RUB1.0877
Премьер-министр Темир Сариев Газпром-Кыргызстан ЖЧКсынын газ өткөрмө тутумунун объектилери менен таанышты

Сариев: газ берүү эми үзгүлтүккө учурабайт

© Пресс-служба правительства / Сабыр Аильчиев
Коом
Кыскача шилтеме алуу
5401

2019-жылга чейин Бишкек шаары жана Чүй облусунун 69,7 пайыз аймагы газ менен камсыз кылат. Мындан Бишкектеги 22 жаңы конуш жана Чүй облусунун 42 айылы жаратылыш газы менен камсыз болот. Муну менен катар өлкө аймагындагы газ түтүкчөлөрү жаңыртылат.

БИШКЕК, 24-июнь — Sputnik. Кыргызстандыктар мындан ары жаратылыш газы менен үзгүлтүксүз камсыздаларын премьер-министр Темир Сариев "Газпром-Кыргызстан" ЖЧКсынын газ өткөрмө тутумунун объектилери менен таанышуу учурунда билдирди. 

Өкмөттүн маалымат кызматынын билдирүүсүндө премьер-министр Сариев 24-июнь күнү Чүй облусуна болгон иш сапарынын алкагында "Газпром-Кыргызстан" компаниясынын Бишкек жана Чүй облустарын 2015-2019-жылдарга газ менен камсыз кылууну өнүктүрүү планы менен таанышты.

"Газпром-Кыргызстан" ЖЧКсынын башкы директору Болот Абилдаевдин айтымында, учурда Бишкек шаарында узундугу 1089 чакырым газ түтүкчөсү колдонулуп, 169 миң үй жана имарат газ менен камсыздалат.

"2019-жылдын аягына чейин дагы 33 чакырым газ түтүкчөсү курулуп, 40 миңден ашык үй жана имарат газ менен камсыздалат. Мындай жол менен алдыдагы үч жыл аралыгында "Газпром-Кыргызстан" 36 миллиард рубль жумшап, 2019-жылга чейин Бишкек шаары жана Чүй облусунун аймагынын 69,7 пайызын газ менен камсыз кылат. Мындан Бишкектеги 22 жаңы конуш жана Чүй облусундагы 42 айыл жаратылыш газы менен камсыз болмокчу. Муну менен катар өлкө аймагындагы газ түтүкчөлөрү жаңыртылат", — деди Абилдаев.

Премьер-министр сыяктуу дүйнөлүк ири компаниянын келиши Кыргызстан үчүн чоң мааниге ээ экенин белгиледи.

"Газпром-Кыргызстан" компаниясы жаратылыш газы жетпеген Ысык-Көл, Нарын облусу сыяктуу аймактарга суюлтулган газ берүү боюнча иштерди аткарууда. Эң негизгиси, мындан ары элибиз газ менен үзгүлтүксүз камсыз болот", — деди өкмөт башчысы.

Сапардын жүрүшүндө Сариев Бишкек шаарындагы жаңы конуштарды газ менен камсыз кылуу үчүн баш планын тактоо боюнча иштерди тездетүүнү шаардык мэрия жана өкмөт алдындагы Курулуш, архитектура жана турак-жай коммуналдык чарба мамлекеттик агенттигине тапшырды.

Тема боюнча

Атамбаев Кыргызстандагы газ тармагынын маселелерин Миллер менен талкуулады
Кара-Балта шаарынын айрым жерлеринде 20 күнгө чейин газ болбойт
Белгилер:
расмий иш сапар, газ, "Газпром Кыргызстан" ЖЧКсы, Темир Сариев, Болот Абилдаев, Чүй облусу, Кыргызстан, Бишкек

ЭҢ МААНИЛҮҮ