Футболдун начар уюштурулгандыгына нааразы болгон күйөрмандар сотко берүү ниетинде

Жазылуу
Бишкектик күйөрман кыз эл бөтөлкөнү эч кимге ыргытпаганын, анткен менен аны уюштуруучулардын башына багыттагысы келгенин, футболго кирбей калгандар үмүтүн үзүп үйүнө кайткандыгын айтты.

БИШКЕК, 16-июнь — Sputnik. Колунда билети болсо да, Кыргызстан менен Австралиянын футбол боюнча беттешүүсүнө көп кишилер кире албай калды деп билдирди Динара Исраилова. 

Анын айтымында, колунда билети туруп кире албай калгандар көп болду, себеби аларды эшик тоскондор киргизбей коюшту. Жаалданган топ ал тургай дарбазаны талкалап салууга даяр болчу.

"Стадиондун кире беришинде билети барларды да, жокторду да киргизип жатышты. Андан соң дарбазаны жаап салышты. Буга ачууланган ашуун адам кайтаргандарды таш менен урушту. Бул мелдеш башталгандан бир сааттан кийин болду. Уюштуруучулар билетти стадионго болгон орундан көп сатышкан окшойт", — деди Исраилова.

Бишкектик Жибек Алтынбекова стадионго саат алтыда келсе да, матчка кире албай, кечки тогузга чейин стадиондун сыртында күтүп туруп, үмүтү үзүлгөндөн кийин үйүнө кайткан. 

"Эрте келгендер азыраак болуп, көпчүлүгү иштен кийин стадиондун кире беришинен 10-15тен билет алышты. Чыгыш тарапта колундагы билети менен 200-300 турду. Бир бала 20 билет сатып алыптыр, бирок ал да өтө алган жок. Андан сырткары, кирип жаткандар жөөлөшүп, кичинекей балдарга караган да эч ким болгон жок", — деди Алтынбекова. 

Ал бөтөлкөнү эч ким ыргытпаганын, анткен менен, аны уюштуруучулардын башына багыттагысы келгенин, футболго кирбей калгандар үмүтүн үзүп үйүнө кайткандыгын айтты. 

"Күйөрмандар чатырга чыгып, биотулаеттерди кыйшатып салышты. Мамлекеттик агенттиктин жана анын күзөтү алгач билеттердин жасалма эместигин текшерип, анан киргизе тургандыгын айтышты. Анткен менен, алардын тааныштары гана киришти. Мунун себебин орундардын аздыгы менен байланыштырышты, бирок стадиондун бардык орундары толгон жок. Биз сааттап күтүп турганда билети жоктор орундарыбызды ээлеп кетишиптир", — деди ал. 

Кыргызстан – Австралия матчына билеттер 9-июндан тарта сатыкка чыгат - Sputnik Кыргызстан
Кыргызстан – Австралия матчына билеттер 9-июндан тарта сатыкка чыгат
Анын айтымында, көптөр Кыргызстандын Футбол Федерациясы менен уюштуруучулардан билеттердин акчасын кайра кайтарып берүүнү талап кылып, сотко беришерин билдиришкен. 

Кыргызстан-Австралия беттеши Бишкек шаарындагы Дөлөн Өмүрзаков атындагы стадиондогу 2018-жылы боло турчу дүйнө чемпионатына тандоо турларынын алкагында өттү. Жыйынтык 1:2 болуп, австралиялыктардын пайдасына чечилди. 

Эки оюндан кийин азыр Кыргызстанда үч упай топтолду, эми алар Тажикстан менен Иорданиянын курама командалары менен ойномокчу.

Жаңылыктар түрмөгү
0