БИШКЕК, 17-июнь – Sputnik. Премьер-министр Темир Сариев Грузиянын өкмөт башчысы Ираклий Гарибашвилиге Тблиси шаарындагы адам өмүрүн алган селге байланыштуу көңүл айтты.
Көңүл айтуу телеграммасында Темир Сариев өкмөттүн жана өзүнүн атынан табигый кырсыктан каза болгондун жакындарына көңүл айтып, жаракат алгандарга тезинен сакайып кетишин каалады.
Грузиянын борбору Тбилисиде ишембиден жекшембиге караган түнү, 14-июнда нөшөрлөгөн жаан мөндүр менен коштолуп, суу ташкыны адам өмүрүн кыйды. Кырсыктын кесепетинен шаардагы зоопарк жабыркап, андагы 600дөн ашуун жаныбардын теңи кырылды. Акыркы маалыматтарда селденк аза болгондордун саны жыйырмага жеткендиги айтылууда.
