Азиздер үчүн кыргыз тили боюнча алгачкы китеп чыкты

© Sputnik / Табылды КадырбековБрайл тамга терүүчү машинка. Архив
Брайл тамга терүүчү машинка. Архив - Sputnik Кыргызстан
Жазылуу
Жалпысынан 1-класстан 11-класстын окуучулары үчүн 795 миң сомго Брайль шрифти менен жазылган 600 томдук жана жалпак ири шрифттин негизинде жазылган 325 томдук жарык көрдү.

БИШКЕК, 15-июнь — Sputnik. Кыргызстанда биринчи жолу азиздер үчүн чекиттүү Брайль жана ири жалпак тамгалар менен жазылган кыргыз тили боюнча китеп жарыкка чыкканын ЖК депутаты Дастан Бекешев билдирди.

Анын айтымында, окуу китептери өлкө президенти Алмазбек Атамбаев тарабынан бөлүнгөн каражатка басылып чыккан.

Депутаттын айтымында, Кыргызстан эгемендүү мамлекет болгондон бери азиздер жана көрүүсү начарлар үчүн кыргыз тили боюнча китеп басылган эмес.

"1991-жылдан баштап азиздер жана көрүүсү начарлар үчүн Кыргызстанда китеп басылып чыкпай калган. Мугалимдер совет доорунда чыккан эскилиги жеткен китептер менен сабак берүүгө аргасыз болуп келишкен. Бул китептерди окуучулар колу менен окугандыктан ал сүрүлүп, жыртылып калат", — дейт депутат.

Шрифт Брайля - буквы на кончиках пальцев - Sputnik Кыргызстан
Азиз балдар үчүн Кыргызстандын тарыхы боюнча окуу китеби чыкты
Жалпысынан 1-класстан 11-класстын окуучулары үчүн 795 миң сомго Брайль шрифти менен жазылган 600 томдук жана жана жалпак ири шрифттин базасында жазылган 325 томдук жарык көрдү. Бул китеп Бишкек жана Ош шаарындагы атайын интернаттын окуучуларын китеп менен камсыздоого жетет.

Китептердин барактары калың болгондуктан, брайль тамгалары менен жазылган бир китеп 4-6 томдон турушу мүмкүн.

Жаңылыктар түрмөгү
0