04:01 24 Жетинин айы 2020
Түз эфир
  • USD84.7968
  • EUR100.7047
  • RUB1.1193
Коом
Кыскача шилтеме алуу
Сокулуктагы балыктардын кырылышы (8)
10210

Сокулук районундагы бир нече көлмөлөрдөгү балыктардын жапырт кырылышы катталган. Алдын ала маалыматтарда чочко фермасынын калдыктары сууга кошулгандыктан балыктар жапырт ууланып, кырылып баштаган.

БИШКЕК, 26-май — Sputnik. Сокулук районундагы көлмөлөрдөгү балыктардын кырылышына себепчи болгон чочко фермасынын ээсине 15 миң сом айып салынганын Экологиялык жана техникалык коопсуздук боюнча мамлекеттик инспекциянын Сокулук району боюнча аймактык башкармалыгынын жетекчиси Талантбек Борочоров Sputnik сайтына билдирди.

Борочоровдун айтымында, көлмөлөрдүн булганышы боюнча маалымат түшөөрү менен инспекциянын кызматкерлери окуя болгон жерге барышкан.

"Көлмөлөрдөгү суудан экспертиза жүргүзгөнгө алышкан, жыйынтыгы 4-5 күндүн ичинде билинет", — деди ал.

Чочко фермасынын ээси Евгений Мартыновго КРдин административдик кодексине ылайык, протокол түзүлгөн.

"Эгер суунун курамында уулуу заттардын болгону аныкталса, аталган факты боюнча кылмыш иши козголот", — деди ал.

Борочоров бул окуяны Сокулук райондук прокуратурасы өз көзөмөлүндө кармап турганын жана экспертизанын жыйынтыгы чыккан соң аталган иш боюнча аракеттерди көрө турганын кошумчалады.

Ууланган балыктарды жергиликтүү тургундар албаш үчүн учурда көлмөнүн айланасы тосулуп, корулууда.

Тема:
Сокулуктагы балыктардын кырылышы (8)

Тема боюнча

Сокулук районундагы көлмөлөрдө балыктар кырылууда
Ысык-Көл: дайверлер балыкты браконьерлердин эски торунан чыгарууда
Белгилер:
балык, айыппул, кылмыш иши, Экологиялык жана техникалык коопсуздук боюнча Мамлекеттик инспекция, Талантбек Борочоров, Сокулук

ЭҢ МААНИЛҮҮ