Калилов: Кыргызстан кызылча оорусунун вирусун "экспорттогон" жок

© Sputnik / Игорь Зарембо / Медиабанкка өтүүШприц кармаган врач. Архив
Шприц кармаган врач. Архив - Sputnik Кыргызстан
Жазылуу
Россиянын федералдык көзөмөлдөө кызматынын эпидемиологиялык көзөмөлдөө башкармалыгынын Иркутск областы боюнча жетекчисинин орун басары Ирина Рудакова кыргызстандыктан оору жуккандыгы туурасында маалымат ырасталбаганын билдирди.

БИШКЕК, 25-май — Sputnik. Кыргызстан кызылча оорусунун булагы эмес экендигин Sputnik кабарчысына Иммунопрофилактикалык борбордун директору Жолдош Калилов билдирди.

Кызылчага каршы кайтадан эмдөө зыянсыз экенин эксперттер айтышууда
Россиянын ЖМКларында Иркутск шаарынын эл аралык аэропортунда эки жаран кыргызтандыктан кызылча оорусун жуктуруп алды деген маалымат чыккан.

Калиловдун айтымында, КР кызылча оорусунун вирусун "экспорттоочусу" эмес. Оорунун вирусу камтылган атайын суюктук Москванын Габричевский атындагы эпидемиологиялык жана микробиологиялык илимий изилдөө институтуна жөнөтүлгөн.

"Кыргызстанда кызылча оорусунун күч алышына себеп болгон D-8 вирусу 2014-жылы сентябрда изилденип, анын натыйжалары оорунун бул түрү Россия менен Казакстанда кеңири тараган топко кире тургандыгын көрсөттү", — дейт Калилов.

Ал белгилегендей, аталган вирусту РФ менен Казакстандан КРге мигранттар алып келиши ыктымал. 

Керектөөчүлөрдүн укуктарын жана адамдын бейкуттугун коргоо тармагындагы Россиянын федералдык көзөмөлдөө кызматынын эпидемиологиялык көзөмөлдөө башкармалыгынын Иркутск областы боюнча жетекчисинин орун басары Ирина Рудакова кыргызстандыктан оору жуккандыгы туурасында маалымат ырасталбаганын Sputnik кабарчысына билдирди.

"Бүгүнкү күндө бизде кызылча менен ооруган үч факт тастыкталды. Алардын бири чек ара кызматында иштеген адам, экинчиси коопсуздук кызматынын өкүлү, үчүнчүсү биринчи бейтаптын үй-бүлөсү, бирок оорунун булагы азырынча аныктала элек", — деди Рудакова. 

Анын айтымында, ар бир эл аралык каттам санитардык-көзөмөл пункту тарабынан текшерилет, жана вирус Кыргызстандан алып келинди деген ЖМКлардын билдирүүсүн ырастай турган расмий маалымат жок. Биринчи оору каттарлган күнү – 8-майда бир жарым миңден ашык жүргүнчү учуп келген жана ал күнкү 11 эл аралык каттам Бангкоктон, Шеньяндан, Маньчжуриядан, Улан-Удэден ж.б. жерлерден жасалган. 

"Ошондуктан дал ушундай болду деп ырастай албайбыз. ЖМКларда жарыяланган маалыматтар чындыкка эч туура келбейт, жана аны биздин адистер бериши мүмкүн эмес", — деди врач.

Саламаттык сактоо министрлигинин маалыматы боюнча, 1-январдан 11-мартка чейин КРде кызылча менен ооруган 11 миң 156 адам катталган. Республика боюнча оору аныкталган бирин-серин учурлар азыр да бар.

Республика боюнча кызылча менен ооругандар
Республика боюнча кызылча менен ооругандар - Sputnik Кыргызстан
Республика боюнча кызылча менен ооругандар

Жаңылыктар түрмөгү
0