23:34 21 Теке 2018
Түз эфир
  • USD68.2377
  • EUR79.4389
  • RUB1.0748
Джихадист аял. Архив

Карамушкина: КРде экстремизмге аралашкан аялдар көбөйүп баратышы тынчсыздандырат

© AFP 2018 / BARAA AL-HALABI
Коом
Кыскача шилтеме алуу
36 0 0

Бишкекте өтүп жаткан гендердик теңчилик боюнча эл аралык конференцияда ЖК депутаты Кыргызстанда кыз-келиндер арасында экстремисттик кылмышка аралашкандар улам өсүп жаткандыгын айтты.

БИШКЕК, 16-май — Sputnik. Кыргызстанда экстремисттик кылмыш кылган аялдар көбөйүп баратканы өзгөчө тынчсыздандырат. Бул туурасында ЖК депутаты Ирина Карамушкина 16-майда "Пекин+20” платформасынын шартында гендердик теңчиликке жетишүүдө парламенттин ролу" аттуу эки күндүк эл аралык конференциянын жүрүшүндө билдирди.

Депутат Кыргызстанда радикалдуу уюмдардын идеяларын жайылткан аялдар тобу аныкталып жатканын маалымдады. 

"Тилекке каршы, мындай иштерге аялдар менен кыздарды азгырган ошол эле аялдар болуп, радикалдашкан аялдар көбөйүүдө. Маселен, "Хизб-ут Тахрир", "Таблиги жамаат" уюмдарынын аялдар ячейкаларынын 80 пайызыан ошол эле уюмдарга мүчө болгондордун жана алардын тарапташтарынын аялдары түзөт", — деди Карамушкина. 

Ал 10 жыл мурун Кыргызстанда экстремисттик кылмыштардын жалпы санынын 1 пайызын аялдар кылса, бүгүнкү күндө бул көрсөткүч 23 пайызга чыккандыгын билдирди.

Эл өкүлү көпчүлүк учурларда экстремисттик күчтөргө өзгөчө ымыркайлары бар аялдар тартылып жатканын, анткени алар кылган күнөөсү үчүн жоопкерчиликке тартылбай калаарын белгиледи. 

"Биздин кыздарыбыздын мындай фактыларга катышып жаткандыгы жеке эле укук коргоо органдарын эмес, жалпы коомчулукту абдан тынсыздандырууда. Расмий маалыматтар боюнча согуш аракеттерине 330 кыргызстандык катышууда: анын ичинен 30у аялдар, каза болгон 31 адамдын 9 аял", — деди Карамушкина. 

Ал экстремизм менен терроризмдин башкы себеби катары диний чөйрөдө маалыматтын жетишсиздигин же маалыматтардын бурмаланып берилишин атап, аны эл аралык радикал уюмдар, топтор өтө кылдаттык менен пайдаланып жатышканын кошумчалады.

Тема боюнча

Ош шаарында диний терроризм жана экстремизм маселеси талкууга алынууда
Маматалиев: өкмөт өлкөнүн түштүгүндөгү тартипти камсыз кылууну улантат
Аялдарды Сирияга азгыруу түштүктө көп болууда
Белгилер:
"Таблиги жамаат", Хизб ут-тахрир, Ирина Карамушкина
Колдонуу эрежелериПикирлер

ЭҢ МААНИЛҮҮ