Айдоочулук күбөлүк эми 10 жылдык мөөнөткө берилет

Жазылуу
Россияда айдоочу болуп иштеген мигранттар алардын айдоочулук күбөлүгүндө жарактуу мөөнөтү көрсөтүлбөгөндүктөн, айып пул төлөп жатышкандыктарын Sputnik сайтынын кабарчысына билдиришкен.

БИШКЕК, 12-май — Sputnik. Айдоочулук күбөлүк 10 жылдык мөөнөткө бериле баштарын Мамлекеттик каттоо кызматынын маалымат кызматы билдирди.

Россияда айдоочу болуп иштеген мигранттар айдоочулук күбөлктөрүндө жарактуу мөөнөтү көрсөтүлбөгөндүктөн, аларга айып пул салып жатышканын Sputnik сайтынын кабарчысына билдиришкен. 

Айдоочулук күбөлүк. Архив - Sputnik Кыргызстан
РФте мигранттар айдоочулук күбөлүктөргө байланыштуу ыңгайсыздыкка кабылууда
Мекемеден билдиришкендей, Мамлекеттик каттоо кызматынын демилгеси менен өкмөттүн 1999-жылдын 4-августундагы "Экзамен тапшыруу тартиби, жарандарга айдоочулук күбөлүктөрдү берүү жана айдоочуларды автотранспортту айдоого уруксат берүү тартибин аныктоо жөнүндөгү" токтомуна толуктоолор киргизилген.

Өзгөртүүлөр улуттук үлгүдөгү айдоочулук күбөлүктөрдү берүү бөлүмүнө да киргизилген. Ага ылайык, айдоочулук күбөлүк 10 жылдык мөөнөт менен берилет.

Андыктан белгиленген мөөнөт аяктагандан кийин айдоочулук күбөлүк жараксыз болуп калат. Буга чейин улуттук үлгүдөгү айдоочулук күбөлүктө жарактуулук мөөнөтү белгиленген эмес. 

Айдоочулук күбөлүктү алмаштырууда же аны кайта алууда эч кандай экзамен алынбайт. Бирок жол эрежелерин бузгандыгы үчүн айдоочулук күбөлүгүнөн ажыратылган жарандар үчүн бул эрежелер күчкө ээ эместигин маалымат кызматынан билдиришти.

Жаңылыктар түрмөгү
0