Улуттук банк алтын куймаларын калкка сата баштады

Жазылуу
1, 2, 5, 10, 31,1 грамм көлөмүндөгү алтын куймалары чыгарылды. Алар корголгон таңгакка оролгон. Бул таңгак ошол эле учурда сертификат да болот. Учурда алтын куймалары 3 миң 793 сомдон (1 грамм) 235 миң 221 сомго (100 грамм) чейин турат.

БИШКЕК, 7-май — Sputnik. Улуттук банк алтын куймаларын Кыргызстандын элине сатыкка чыгарганын банктын төрагасы Толкунбек Абдыгулов маалымат жыйында билдирди.

Улуттук банк 1 граммдан 100 граммга чейинки алтын куймаларын элге сатыкка чыгаруу боюнча мыйзам долбоорун демилгелеген. Мамлекет башчы Салык кодексине сунушталган өзгөртүүгө макул болгон.

Абдыгуловдун айтымында, алтын куймалары инвестиция үчүн банктын жаңы продукциясы болуп эсептелет.

"Туруксуздук маалында алтынга каражат салуу ишенемдүү болуп эсептелет. Валюта курсунун төмөндөшү менен эрежеге ылайык, алтындын курсу жогорулайт. Андыктан баалуу металдарга каражат салуу ишенимдүү", — дейт Улуттук банктын төрагасы.

Алтын. Архив - Sputnik Кыргызстан
Эксперттер: алтынды элге сатуу – инвестицияны өнүктүрө турган мыкты ыкма
1, 2, 5, 10, 31,1 грамм көлөмүндөгү алтын куймалары чыгарылды. Алар атайын сертификаттары менен корголгон таңгакка оролгон. 

100 грамм өлчөмүндөгү алтын куймалары тастыктоочу сертификаттары менен атайын кутуларга салынган. 

Учурда алтын куймалары 3 миң 793 сомдон (1 грамм) 235 миң 221 сомго (100 грамм) чейин турат. Бул куймалар 999,9 жогорку пробадагы алтын болуп саналат.

Жаңылыктар түрмөгү
0