Депутаттар: "Коопсуз шаар" долбоору боюнча өкмөт менен ИИМдин пикири бир болуш керек

© Sputnik / Александр Кряжев / Медиабанкка өтүүШаар көчөлөрү. Архив
Шаар көчөлөрү. Архив - Sputnik Кыргызстан
Жазылуу
Жогорку Кеңештин Мыйзамдуулук, укук тартиби жана кылмыштуулук менен күрөшүү боюнча комитетинин депутаттары "Коопсуз шаар" долбоору боюнча өкмөт менен ИИМдин пикири бир болбой жатканын айтышты.

БИШКЕК, 14-апр. — Sputnik. Вице-премьер-министр Абдрахман Маматалиев "Коопсуз шаар" долбоору боюнча өткөн тендердин жыйынтыгын сотко берүү боюнча өкмөттүн чечими жок экенин Жогорку Кеңештин комитетинин жыйынында билдирди.

Ал өкмөт тендердин өтүшүнө укуктук баа берүү боюнча прокуратуранын жообун күтүп жатканын айтты.

"Тендердин өтүшү боюнча өкмөт тарабынан түзүлгөн комиссия кээ бир маселелерге так жооп бербей калгандыктан, тендердин өтүшү боюнча бардык документтерди топтоп туруп Адилет министрлигине, прокуратура жөнөттүк. Адилет министрлиги тендердин өтүшү боюнча бардык нерсеге Каржы министрлиги жооп берерин айтты. Азыр укуктук баа берүү үчүн прокуратуранын жообун күтүп жатабыз", — деди ал.

Город Бишкек - Sputnik Кыргызстан
Вице-премьер: "Коопсуз шаар" долбоорун үзгүлтүккө учураткандар болсо жоопко тартылат
Ички иштер министри Мелис Турганбаев тендердин өтүшү боюнча чечим менен министрлик макул эместигин, сотко кайрылганын айтты эле, Маматалиев "ИИМдин сотко кайрылганын бул жактан угуп жатам" деди. 

Комитеттин жетекчиси Кенжебек Бокоев өкмөт "Коопсуз шаар" боюнча бир чечимге тез арада келиши зарылдыгын, долбоор боюнча өкмөт менен ИИМдин пикири бир болушу керектигин кошумчалады.

Депутат Дастан Бекешев "өкмөт ИИМдин тендердин жыйынтыгы боюнча сотко кайрылганын билбегендиги кандай?", — деп суроо салды.

"Өкмөт "Коопсуз шаар" долбооруна шалаакы мамиле жасап жатат. Бул долбоор быйыл ишке ашыш керек болчу, бирок, эки жалдын бери тендер өтүп бүтө элек", — деди ал. 

ИИМ "Коопсуз шаар" боюнча тендердин жыйынтыктарына каршылыгынын себебин түшүндүрдү
"Коопсуз шаар" долбоору 2014-жылдын 20-июнунда өкмөт тарабынан демилгеленген. Биринчи тендердин жыйынтыгы жокко чыгарылып, экинчи тендер жарыяланган. "Коопсуз шаар" долбоору боюнча тендердин жеңүүчүсү 2015-жылдын январында тендердик комиссия тарабынан аныкталган. Биринчи орун "Стилсофт Бишкек" компаниясына, экинчиси Молдованын Dessa International S.R.L. фирмасына, үчүнчү орун Швейцариянын Anteo worldwide компаниясына тийген.

"Стилсофт Бишкек" кыргыз-россиялык компания деген аталышта "Стилсофт МЖӨ" россиялык өнөктөштөр "Стилсофт" ЖАК жана "Спецстройбезопасность"ААК менен бирге консорциумду түзөт. 

Тендерди уткан "Стилсофт Бишкек" компаниясынын койгон талаптарына КР Ички иштер министрлиги макул эместигин билдирип, сотко кайрылган болчу.

"Коопсуз шаар" долбоорун үч жылда Бишкек жана Ош шаарларында, Бишкек — Каракол жана Бишкек —"Манас" аэропорту жолдорунда ишке ашыруу пландалып жатат. Видео көзөмөл камералары жол кесилиштеринде гана эмес, унаа токтоочу жайлар менен эс алуучу жерлерге да орнотулмакчы.

Жаңылыктар түрмөгү
0