ИИМ: Айбек Абдразаков боюнча Минскиден расмий маалымат келе элек

© пресс-служба федерации "Алыш"Президент Международной федерации борьбы на поясах Алыш Алмамбет Анапияев
Президент Международной федерации борьбы на поясах Алыш Алмамбет Анапияев - Sputnik Кыргызстан
Жазылуу
Анапияевдин өлүмүнө байланыштуу жагдайлар боюнча кыргызстандык жактоочу учурда издөөдө жүргөн Айбек Абдразаковдун Минскиде кармалгандыгын билдиргени менен, аны КР ИИМи тастыктаган жок.

Бишкек, 3-мар. — Sputnik. Алмамбет Анапияевдин өлүмү боюнча ИИМде күбө катары сурак берген Гүлжигит Абдилазизовдун жактоочусу буга чейин Минскиде өлүмгө катыштыгы бар дагы бир адамдын кармалгандыгын билдирген.

"Минскиде өлкөнүн ИИМи Анапияевди өлтүргөн деп шектелүүчү Айбек Абдразаковду кармады", — деп билдирген жактоочу Кайрат Загибаев.

Ал эми Кыргызстандын Ички иштер министрлигинен мындай маалымат аларга Белоруссиядан расмий түрдө келе электигин билдирди.

"Белоруссия менен азырынча оперативдүү маалыматтарды гана алмашып жатабыз. Бирок, Абдразаков боюнча расмий эч кандай маалыматтар келе элек", — деди ИИМдин маалымат кызматынын жетекчиси Бакыт Сейитов.

Загибаевдин айтымында, 17-февралда Анапияев Абилазизовго саат 20.00дө меймандар келерин айтып, үйдөн чыгып, эшикти коомай таштап кетүүнү суранган. Жактоочу, Абдилазизовдун айткандарына таянып, Анапияевдин үйүнө үч киши келгендигин, алардын бири Абдразаков экендигин тааныгандыгын маалымат жыйынында билдирген. 

Абдразаков Курманбек Бакиевдин убагында Уюшкан кылмыштуулуука жана коррупцияга каршы күрөшүү башкы башкармалыгынын жетекчиси болуп турган. Ага президенттик администрациянын мурдагы жетекчиси Медет Садыркуловду өлтүргөн деп шектелип, кийин издөө салынган. 

Колу-буту байланган эркек кишинин жансыз денеси 18-февралда Минсктин Карл Либкнехт көчөсүндө автоунаанын багаж бөлүгүнөн табылган. Беларуссияга келген туугандары өлгөн адам эл аралык издөө жарыяланган Анапияев экендигин таанышкан.

Жаңылыктар түрмөгү
0