Эшектин этин экспорттоо боюнча ветеринардык кызмат уруксат берген эмес

© Sputnik / Руслан Кривобок / Медиабанкка өтүүЭшек. Архив
Эшек. Архив - Sputnik Кыргызстан
Жазылуу
Кыргызстандын аймагынан чет мамлекетке эшектин этин экспорттоо боюнча Ветеринардык жана фитосанитардык коопсуздук боюнча мамлекеттик инспекциясы "Кайтал" акционердик коомуна уруксат берген эмес.

БИШКЕК, 25-фев. — Sputnik. Эшектин этин экспорттоо үчүн сойгонбуз деген "Кайтал" АКтын билдирүүсүнө Ветеринардык жана фитосанитардык коопсуздук боюнча мамлекеттик инспекциясы өз жообун берди. Аталган инспекциянын директорунун орун басары Ашырбай Жусупов кандай гана эт болбосун ал экспорттоло турган болсо Ветеринардык инспекциясына кайрылыш керектигин айтат.

"Ал эттер Кыргызстандын ички реестрине катталышы шарт. Эт экспорттой турган ишкана ветеринардык-санитардык нормаларды аткарышы керек. Керектүү процедаралардан өткөндөн кийин гана аларга уруксат берилет. Бүгүнкү күнү бул фирма ("Кайтал" АК авт.) бизден уруксат алган эмес. Экспортко дагы биз эч кандай уруксат берген эмеспиз", — дейт ал. 

Коомдук тамактануучу жайлар жапырт текшерилет

Жусуповдун айтымында, чуулгандуу маалыматтан улам Ветеринардык инспекциясы Санэпидкөзөмөл менен биргеликте шаардагы бардык коомдук тамактануучу жайларды текшерет.

"Санэпидкөзөмөл менен биргеликте Бишкек шаарында эт сатылган бардык түйүндөр – колбаса цехтери, шашлык жасаган, самсы саткан жерлер, коомдук тамактануучу жайлар жапырт текшерилет. Бишкек шаарынын 24 базарындагы ветеринардык инспекторлор чакырылып бир жуманын ичинде бир килограмм этке чейин текшергиле деп тапшырма бердик. Эгерде эттин коштомо документи жок болсо бары алынат", — деди ал.

Жусупов акыркы 3 жылдан бери Кыргызстандан эт экспорттоло электигин айтып, эгер эт экспорттоло турган болсо алардын да кабары болмок экенин кошумчалады.

"Эшек эттерин Гонконгго экспорттомокпуз деп аткан фирма бизден эч кандай уруксат түгүл, кайрылганда эмес. Биздин инспекция уруксат бермейинче эч бир эт сыртка чыгарылбайт", — дейт ал.

Союлган эшектердин ветеринардык справкасы болгон
"Кайтал" АКтын өкүлдөрү бүгүн маалымат жыйын берип, союлган эшектердин эттерин Гонконг шаарындагы зоопаркка экспорттой тургандыктарын билдирип, алардын ишмердиги тууралуу терс маалымат чыгып кеткендиктен этти экспорттоо иши токтоп калганын билдирген болчу.

Алар ошондой эле, союуга деп сатылып алынган эшектердин "оорусу жок" деген документтери бар экенин, мындай документи жок эшектер союлбаганын билдиришкен.

Жаңылыктар түрмөгү
0