13:48 17 Кулжа 2019
Түз эфир
  • USD69.8500
  • EUR78.7838
  • RUB1.0841
Плотина Токтогульской ГЭС

Токтогул ГЭСиндеги сууну сарамжалдуу пайдалануу боюнча мыйзам иштелип чыгат

© Sputnik / Сергей Субботин
Коом
Кыскача шилтеме алуу
97 0 0

Өлкөдөгү энергетикалык коопсуздукту камсыз кылуу үчүн Токтогул ГЭСиндеги сууну сарамжалдуу пайдаланууга багытталган мыйзам долбоору иштелип чыга турган болду.

БИШКЕК, 13-фев — Sputnik. Жогорку Кеңештеги "Ата Мекен" фракциясынын жыйынында өлкөдөгү энергетикалык коопсуздукту камсыз кылуу үчүн Токтогул ГЭСиндеги сууну сарамжалдуу пайдаланууга багытталган мыйзам долбоору иштелип чыгарын Өмүрбек Текебаев билдирди. 

Фракция лидеринин айтымында, өкмөттөр аралык келишимге ылайык, Кыргызстан Токтогул суу сактагычынан коңшу өлкөлөргө жылына 12 миллиард кубометр суу берип турууга милдеттүү. Бирок учурда 14 миллиард кубометрден ашык суу агууда.

"Өкмөттөр аралык келишимде каралган сууну берип, калганын сактап турушубуз керек. Эгер ашыкча суу агызуу зарылдыгы келип чыкса, анда жоопкерчиликти өкмөт башчысы же парламент алышы зарыл. Мындай орчундуу маселенин министрликтин деӊгээлинде чечилиши туура эмес", — деди ал.

Энергетика жана өнөр-жай министринин орун басары Айбек Калиев Кыргызстанда электр кубатын керектөө көлөмү былтыр 14 миллиард 700 миллион кВт саатка жеткенин же жылына 1 миллиард кВт саатка чейин көйбөйүп баратканын белгиледи. 

Жыйын жүрүшүндө депутат Бактыбек Калмаматов электр кубатын 4 центтен кем эмес баада экпорттоо тууралуу чечим бар экенине карабастан, 2012-жылы жергиликтүү калкка 3,5 центтен, ал эми Казакстанга 2,8 центтен сатылганын билдирди.

Белгилер:
энергетика тармагы, Бактыбек Калмаматов, Өмүрбек Текебаев

ЭҢ МААНИЛҮҮ