Укук коргоочулар баңги заттарга байланышкан кылмыштарга улам көп катышууда

© Sputnik / Олег Золото / Медиабанкка өтүүБаңги заттарын жок кылуу. Архив.
Баңги заттарын жок кылуу. Архив. - Sputnik Кыргызстан
Жазылуу
Баңгиликке каршы Борбордук Азиялык борбордун директору Александр Зеличенко УКМКнын баңги затын жайылтуу каналы токтотулганы тууралуу билдирүүсүн комментарийлеп жатып, укук коргоо органдары баңги заттарга байланышкан кылмыштарга улам көп катыша баштагандыгын белгиледи.

БИШКЕК, 10-фев — Sputnik. "Баңгиликке байланышкан кылмыштуулук чынында эле олуттуу көйгөй болуп эсептелет, себеби ага укук коргоо органдары улам көп катыша баштады", — деп билдирди Баңгиликке каршы Борбордук Азиялык борбордун директору Александр Зеличенко Sputnik кабарчысына билдирди.

Архив: баңги затты жок кылуу - Sputnik Кыргызстан
Кыргызстан ББ аймагы боюнча баңги заттарын алып өтүү тартиби жөнүндө макулдашууга кошулду
Дүйшөмбүдө Кыргызстандын Улуттук коопсуздук боюнча мамлекеттик комитетинин коррупцияга каршы кызматы оор баңги заттарын ташуунун туруктуу каналы аныкталып ага бөгөт коюлду деп билдирди.

Маалыматка ылайык, кылмыш издөө бөлүмүнүн башчысы уюштурган жана ички иштер органы менен Баңги заттарды көзөмөлөдөө боюнча мамлекеттик кызматтын (БКМК) кызматкерлеринен турган баңги кылмышкерлеринин тобун кармоо боюнча иш бир нече ай бою жүргүзүлгөн. Бул факт боюнча Баткен областына караштуу Лейлек РИИБнын бөлүм башчысы, "Максат" чек ара постунда нөөмөт башчысы болуп кызмат кылуучу анын өз бир тууганы БКМКнын эки кызматчысы кармалып, алардын үстүнөн кылмыш иши козголду. 

Оперативдүү иш-чаралардын антыйжасында 50 килограмм баңги заты кармалып алынды.

Зеличенко УКМКнын бул маалыматын комментарийлеп жатып, 50 килограмм КРдин бүтүндөй аймагында бир жыл ичинде кармалуучу оор баңги заттардын дээрлик төрттөн бирин түзөрүн айтты. 

"Буга чейин, эсимде, БКМК кызматкери 24 килограмм баңги заты менен кармалган эле. Баңгиликке байланышкан кылмыштуулук чынында эле олуттуу көйгөй болуп эсептелет, себеби ага укук коргоо органдары улам көп катышып, аны өз колдоруна алуу аракетин жасай башташты. "Кызыл героин" деп аталчу баңги зат эми жаңылык деле болбой калды. Мисалы, 2011-жылы Коргонуу кеңешине жасаган докладында коргонуу жана укук коргоо органдарынын бөлүм башчысы Жакыпов Ички иштер министрлигинин колго түшүрүлгөн төрт кызматкеринен табылган баңги заттын жалпы көлөмү ошол жылы бардык органдар кармап алган баңги заттардын чогуу кошкондогудан да көп болду деген фактты келтирген болчу", — деди серепчи.

Бул жагдайда эң тынчсыздандырган нерсе болуп ар түрдүү күч органдары менен көзөмөл кызматтарынын баш кошуп жатышы эсептелет. Бул картелдешүү жүрүп жатат дегенди билдирет дейт Зеличенко.

"Мамлекет кызматтарында иштегендердин жетекчилиги менен баңги картелдери түзүлүп, алар кирешени бөлүштүрүп, "крышаларга" акы төлөп, бул инфраструктуранын өнүгүп бекемделишине каражат жумшап жатышат", — деп айтып берди борбордун жетекчиси.

Ошону менен бирге ал аталган конкреттүү факт боюнча "жакшы жаңылык" бар экендигин белгиледи. Анын мааниси баңги заттардын партиясы кармалганда эле эмес, бул аракетти бир нече мамлекеттик кызмат чогуу ишке ашырганында дейт ал. Демек серепчинин пикири боюнча, "буга каршы күрөш жүргүзүүгө мамлекеттин күчү да, саясий эрки да жетиштүү".

Жаңылыктар түрмөгү
0