БИШКЕК, 5-фев — Sputnik. "Бул ремонтко мэрия быйыл 100 миллон доллар жумшайт", — деп айтты маалымат жыйынында шаар башчысы Кубанычбек Кулматов.
Анын айтымында, Кытай грантынын каражатына 105 чакырым көчө оңдолуп-түзөлөт.
"Ганди, Ауэзов жана Жукеев-Пудовкин көчөлөрүн (Токомбаев-Ахунбаев ортосу) оңдоо пландалууда. Келерки жылда ремонт кыла турган көчөлөрдү алдын ала тандап алабыз", — деди Кулматов.
Мэр гранттын шартында жолдорду оңдоого кытайлык гана компаниялар алыныш керектиги каралгандыгын айтты. Алар жолдун сапатына жана жасалышына баштан-аяк жооп беришет.
Бишкек мэриясы боюнча өткөн жылы 25,8 миллион сомго 14,4 чарчы чакырым жол оңдолгон. Утурумдук ремонтко 5,4 миллион сом жумшалган. Кытайлык гранттын алкагында Бөкөнбаев, Толстой көчөлөрү оңдолгон.
