Репрессия курмандыктарынын сырын ачкан Кыдыралиевага акчалай жардам көрсөтүлдү

© Пресс-служба правительства / Сабыр АильчиевВице-премьер-министр Кыргызской Республики Дамира Ниязалиева встретилась с Бюбюрой Кыдыралиевой
Вице-премьер-министр Кыргызской Республики Дамира Ниязалиева встретилась с Бюбюрой Кыдыралиевой - Sputnik Кыргызстан
Жазылуу
Вице-премьер-министр Дамира Ниязалиева 86 жаштагы Бүбүйра Кыдыралиевага жолугуп, өкмөттүн акчалай жардамын тапшырды.

БИШКЕК, 13-янв. Кыргыз коомчулугуна 1938-жылдагы репрессиянын курмандыктарынын кайда көмүлгөнүн айтып берген Бүбүйра Кыдыралиевага вице-премьер-министр Дамира Ниязалиева жолугуп, өкмөттүн акчалай жардамын тапшырды.

Өкмөт башчысы Жоомарт Оторбаевдин Бүбүйра Кыдыралиеванын материалдык жагдайынан улам, 50 миң сом өлчөмүндө бир ирет берилүүчү материалдык жардам көрсөтүү чечимине кабыл алган. 

Ошол кездеги кыргыз интеллигенциясынын каймактарынын трагедиялуу өлүмдөрү туурасындагы маалыматтарды элге чыгарууга эбегейсиз жардам көрсөткөн бул адамдын эмгеги зор. 

"Сиздин эр жүрөктүүлүгүңүздөн жана жарандык милдетти актоо ниетиңизден улам советтик мезгилдеги сырлардын биринин көшөгөсү ачылып, репрессиял кабылып, атылган кыргыздын чыгаан уулдары – Төрөкул Айтматов, Касым Тыныстанов, Жусуп Абдырахмановдун кайда көмүлгөнүн биле алдык. Бул окуянын сырын билген бирден-бир жалгыз адам катары куугунтуктоолордун кесепетинен сактанып, балким, көпкө айта албай сактап жүрдүңүз. Бирок, бул окуянын эртеби-кечпи ачыкка чыкканы жакшы болду", — деди Ниязалиева.

Бүбүйра Кыдыралиева учурда 86га чыкты, кыргыздын саясий жана коомдук ишмерлери репрессияга кабылып, атууга алынганда ал 10 жашта болгон. Бул трагедиялуу сырды ага атасы кийин коомчулукка айтууну керез катары калтырып кеткен. 

Кийин бул ишти Кыдыралиеванын айтып берүүсү менен КГБнын кызматкери Болот Абдрахманов Чоң-Таштагы көмүлгөн кыргыз интеллигенциясынын ошол кездеги каймактарынын жаткан жерин иликтеп чыгып, коомчулукка дайын болгон. Ал эми 2000-жылы ал жерге "Ата Бейит" мемориалдык музейи түптөлгөн.

Жаңылыктар түрмөгү
0