БИШКЕК, 5-янв — Sputnik. Донбасста күрөшүп жаткан өкмөттүк күчтөргө көмөк көрсөтүү боюнча Одессадагы координациялык борбордун жанында жарылуу дүйшөмбүгө караган түнү болду деп билдирет РИА Новости.
Жарылуудан борбордун маңдайында жайгашкан Гимназия көчөсүнүн №3-үйүндө терезе айнектери талкаланып, сырткы калканычтарынын сыныктары 13 метр аралыкка чачырап кеткен. Жакын токтотулган унаалардын эшиктери болсо жулунуп калган. Алдын ала маалыматтарга караганда, курман болгондор жана жаракат алгандар жок.
2014-жылдын декабрында Одессада төрт жардыруу болуп, бир адам каза тапкан.
