Бишкекке машина үстүндөгү флюорографиялык кабинет келет

© Sputnik / Алексей Мальгавко / Медиабанкка өтүүАрхив: Врач оорулунун кагаздарын текшерип жатат
Архив: Врач оорулунун кагаздарын текшерип жатат - Sputnik Кыргызстан
Жазылуу
Келе турчу кабинет заманбап медициналык жабдыктар менен камсыздалган. Машинанын ичинде, флюорографиялык рентгенттик стационардык аппарат, атайын лампа, кондиционер менен медицина кызматкерлери үчүн эмеректер коюлган.

БИШКЕК, 3-янв— Sputnik. Жаңы мобилдик флюорографиялык кабинет шаардыктар менен жаңы конуштун тургундарына 2015-жылдын январь айынан тарта кызмат көрсөтүп баштарын шаардык мэриянын маалымат кызматы билдирди.

"Машина үстүндөгү флюорографиялык кабинет өз ишин 12-январдан баштайт. Түзүлгөн графикке ылайык, ал шаар тургундары менен жаңы конуштун жашоочуларына Үй-бүлөлүк медицина борборлорунун базасында кызмат көрсөтөт", — деп мэриянын маалымат кызматынын өкүлү Нурай Марс билдирди. 

Бишкектин №3 балдар ооруканасы жарым кылымдык юбилейин белгиледи
Анын айтымында, мындай аракеттер кургак учуктун жана жүрөк-кан тамыр ооруларынын алдын алууда дарыгерлерге бир топ эле жеңилдиктерди алып келет.

Машина үстүндөгү флюорографиялык кабинетти кайтарымсыз колдонуу боюнча келишим шаардагы ден соолукту чыңдоо уюмдары менен түзүлгөн. Келишим Бишкек шаардык саламаттык сактоо департаменти жана диагностикалык жабдыктарды алып келүүчү коммерциялык уюмдун ортосунда 10 жылга түзүлгөн.

Жаңылыктар түрмөгү
0