Ошто 5 миң абонентке газ берилди

© Фото / Андрей Стенин / Медиабанкка өтүүгазплита
газплита - Sputnik Кыргызстан
Жазылуу
Газ кызматынын ишин майрам күндөрү үйүндө жок болгон абоненттер кыйындатууда.

БИШКЕК, 2-янв — Sputnik. 1-январга алынган маалымат боюнча Ош шаарандагы 5 миңден ашык абонентке газ берилгенин Ош шаардык мэриясынын маалымат кызматы билдирди.

Абоненттерге газды берүү иши улантылып жатканын маалымат кызматы белгиледи.

"1-январга карата 5 миңден ашык абонентке газ берилди. 3-январга чейин бардык абоненттерге газ берүү пландалууда. Газ кызматынын ишин майрам күндөрү үйүндө жок болгон жарандар да кыйындатууда. Үйлөрдүн коопсуздугу үчүн батири бек турган үйлөргө газ бериле элек", — деп Ош шаардык мэриясынын маалымат кызматы маалымдады.

Архив: газ - Sputnik Кыргызстан
Россиядан келчү газдын баасы Кыргызстандын бардык аймагында бирдей болот
Жаратылыш газы негизинен "Манас-Ата", "Батыш" жана "Черемушки" кичи районунун жашоочуларына берилди. Студенттер району деп аталган "Шелккомбинат" аймагынын тургундары майрам күндөрүнө байланыштуу үйүндө жок болгондуктан бир катар үйлөргө газ бериле элек.

Кара-Суу шаарын жана Кара-Суу районун кошкондо Оштогу газ чарбасы боюнча башкармалыгынын карамагында 65 миңден ашык абонент бар.

Белгилей кетсек, ушул жылдын 14-апрелинен тарта Өзбекстан Кыргызстандын түштүк аймагына газ берүүнү токтоткон. Буга "Узтрангаз" менен "Кыргызгаз" ишканаларынын ортосунда түзүлгөн келишимдин мөөнөтү аяктаганы себеп болгон эле.

Өзбек тарап "Кыргызгаз" "Газпромго" сатылгандыктан эски компания менен келишимди узартуудан баш тарткан болчу. Ош шаарынын өзүндө эле 60 миң абонент көгүлтүр отсуз калган.

Мамлекет башчы Алмазбек Атамбаев жыл жыйынтыгы боюнча берген маалымат жыйынында өлкөнү газ менен камсыздоо долбоору ишке аша турганын, Кыргызстандын түштүгү 2016-жылды өз газы менен тосоорун билдирген эле.

Жаңылыктар түрмөгү
0