Бүгүн Кыргызстанда диабет менен күрөшүүнүн эл аралык күнү белгиленет

© Sputnik / Виталий Аньков / Медиабанкка өтүүЦентр диагностики и лечения диабета во Владивостоке
Центр диагностики и лечения диабета во Владивостоке - Sputnik Кыргызстан
Жазылуу
Бүгүн диабет менен күрөшүүнүн эл аралык күнүнө карата Бишкек Диабетикалык коому бир катар иш-чараларды өткөрөт.

БИШКЕК, 14-ноя — Sputnik. Бүгүн диабет менен күрөшүүнүн эл аралык күнү. Бул датага карата Бишкек Диабетикалык коому менен Базарбаев атындагы Бишкек хореографиялык окуу жайынын кант диабетинен жабыр тарткандар үчүн кайрымдуулук концерти өтөт. 

Бул иш-чараны жыл сайын Бишкек Диабетикалык коому жүргүзүп келет. Аталган илдет боюнча Кыргызстанда расмий түрдө 43 миң адам катталган. Эл аралык диабет Федерациясынын биздин республика боюнча маалыматына таянсак, оорудан жабыркагандардын саны 164 миң.

Республикада ооруга каршы дары-дармектер боюнча абал начар экендигин Бишкек Диабетикалык коомунан билдирди. 

"Учурда республикада мыйзам боюнча каралчу чоңдор жана кичинекейлер үчүн делген инсулиндин алты айлык запасы жок болгондуктан, аны чет өлкөдөн сатып алууга муктаж болушууда. Андан сырткары алдын алуу, дарылоо жана социалдык жактан коргой турган кант диабети боюнча мамлекеттик программа жок", — деп айтылат аталган билдирүүдө. 

Ал эми республикадагы эндокринологиялык кызматтын учурда кант диабетинен жапа чеккендерге толук жардам көрсөтүүгө чама чаркы жетпей турат, б.а. азыркы талаптарга жооп бербейт. Эндокринологиялык кызматтын иш багыттарын аныктай турган саламаттыкты сактоо министрлигинин Кеңеш берүүчү республикалык эндокринологиялык борборунун башкы мекемеси жок. Кыргызстандагы диабетика жана эндокринологиялык Ассоциациясынын маалыматына таянсак, республикалык эндокринологиялык диспансер 1991-жылы жоюлуп, учурда ал имаратта экс-президент Аскар Акаевдин китепканасы жайгашкан. 

Дарыгерлер менен кант диабетинен жапа чеккендер бул жана бир катар көйгөйлүү маселелердин чечилишине декабрь айында Жогорку Кеңештин комитети өткөрө турган парламенттик угуу жардам берет деп үмүт кылышууда.

Жаңылыктар түрмөгү
0