Быйыл ажылык сапардан аксакал менен байбиче кайтпай калды

Ажылык сапар
Ажылык сапар - Sputnik Кыргызстан
Жазылуу
Быйылкы ажылык сапарына каралган квота былтыркыга салыштырганда миңдей орунга аз бөлүндү. Аларды тендерден утуп алган "Fly Dubai" авиакомпаниясы ташыды.

БИШКЕК, 4-ноя — Спутник Кыргызстан. Быйыл Сауд Арабия мамлекети Кыргызстандык зыяратчылар үчүн 3 685 квота бөлгөн. Кыргызстандын Мусулмандар дин башкармалыгынын (КМДБ) маалыматына ылайык, бул квоталар ар бир облустун өзгөчөлүгүн эске алуу менен бөлүндү. Быйыл ажылыкка баруу ниетин билдирип, 8 миңден ашык кыргызстандык арыз менен кайрылган. Жарандар арасында нааразычылык болбошу үчүн зыяратчылар чучукулактын негизинде тандалып алынган. Мындай ыкма Малайзия, Түркия сыяктуу мамлекеттерде жигердүү колдонулуп келерин КМДБнын басма сөз кызматы билдирди. Жол акысы 2400 доллар болуп, бул каражаттын ичине учак билетинин баасы жана мейманкананын акысы кирди.

Зыяратчылардын алгачкы тобу Мекке шаарына 8-сентябрда учуп кетишкен. Ыйык жерден ибааттарын кылган ажылардын акыркы тобу Кыргызстанга 25-октябрда кайтып келишти.

Муфтияттын берген маалыматына ылайык, ажылык сапары учурунда Кыргызстандын эки жараны каза болгон. Алар Жалал-Абаддын Ноокен районунан барган 66 жаштагы аксакал жана Оштун Кара-Суу районунан барган 78 жаштагы байбиче. Эки жарандын сөөгү Сауд Арабияга коюлган.

Жаңылыктар түрмөгү
0