09:45 21 Аяк оона 2019
Түз эфир
  • USD69.8317
  • EUR77.1501
  • RUB1.0937
Көчмөндөрдүн дүйнөлүк оюндары. Архивдик сүрөт

Sputnik агенттиги дүйнө элин Көчмөндөр оюндары тууралуу кабардар кылды

© Пресс-служба правительства / Сабыр Аильчиев
Пресс-релиздер
Кыскача шилтеме алуу
Көчмөндөрдүн дүйнөлүк III оюндары (211)
107 0 0

Sputnik Кыргызстан маалымат агенттиги жана радиосу 2-8-сентябрь күндөрү Ысык-Көлдө өтө турган Көчмөндөрдүн дүйнөлүк III оюндары тууралуу жана ага карата даярдыкты ар тараптан чагылдырып келет.

БИШКЕК, 29-авг. — Sputnik маалымат кызматы. Кеңири мүмкүнчүлүктөн пайдаланып, Sputnik агенттигинин чет жактардагы башка ресурстарында Көчмөндөр оюндарынын роликтери жайгаштырылды.

Бул Түркия, Абхазия, Белоруссия, Азербайжан, Армения, Грузия, Казакстан, Латвия, Литва, Эстония, Молдова, Тажикстан, Өзбекстан, Түштүк Осетия жашоочуларынын Көчмөндөр оюндары тууралуу маалымдар болуусуна шарт түздү.

Башкы редактордун орун басары — жакынкы чет мамлекеттер жана Балтика боюнча мультимедиалык Sputnik борборлору дирекциясынын директору Андрей Благодыренко: "Sputnik — интеграциянын ийгиликтүү долбоору, ошол эле учурда өз оюңду эркин айтууга мүмкүнчүлүк берген аянтча. Sputnik агенттиги Кыргызстан үчүн өтө маанилүү болгон Көчмөндөр оюндарын сөз эмес, иш жүзүндө колдоп, анын көп кырдуулугун жана көп маданияттуулугун даңазалоодо".

Sputnik Кыргызстан агенттигинин жетекчиси Елена Череменина: "Биздин редакция экинчи ирет Көчмөндөрдүн дүйнөлүк оюндарынын расмий медиа өнөктөшү болуп жатат. Муну менен биз Көчмөндөр оюндарынын өлкөнүн имиджин көтөрүү жана туристтик потенциалды жогорулатуу максатын ишке ашырууда чоң колдоо көрсөтүүдөбүз. Биз жөн гана журналист эмес, өз өлкөбүздү, жаратылышыбызды, маданиятыбызды жана салтыбызды сүйгөн кыргызстандыкпыз. Так ушул сезимдер биздин ынтымактуу жамаатты алдыга сүрөйт. Дүйнө элине өз өлкөбүздү таанытууга мүмкүнчүлүгүбүз бар экенине сыймыктанабыз".

Sputnik Кыргызстан агенттигинин кыргыз тилдүү сайтында эле Көчмөндөр оюнуна байланышкан 1000ден ашуун материал жарык көрдү. Иш-чара тууралуу кеңири маалымат берүү үчүн Оюндарга кирген спорт түрлөрүнүн эреже-шарты жазылып, лонгриддер даярдалды.

Белоруссиянын Минск шаарында Көчмөндөр оюндарына өлкө атынан катыша турган спортчулар менен жолугушуу өтүп, иш-чаранын салттуу спортко тийгизген таасири тууралуу талкуу болду.

Эл аралык масштабда өтүүчү иш-чарага даярдыктар тууралуу агенттиктин радиосу да иш алып барды. Жарым сааттык эфирге Көчмөндөр оюндарынын катчылыгынын өкүлдөрү чакырылып, маектер уюштурулду.

Ал эми Көчмөндөр оюндары башталган 2-сентябрдан тарта аккредитациядан өткөн Sputnik Кыргызстан , Белоруссия жана Германия агенттиктеринин журналисттери спорттук мелдештер өтчү Чолпон-Ата шаарындагы ат майдандан да, маданий бөлүгү өтчү Кырчын жайлоосунан да түз алып берип, катышуучулар, келген меймандар менен аңгеме дүкөн куруу каралган.

Sputnik Кыргызстан маалымат агенттиги жана радиосу мындан ары да Көчмөндөр оюндарын ар тараптан колдоо менен аны жайылтууга, өнүктүрүүгө салым кошо бермекчи.

Sputnik Кыргызстан өз ишин 2014-жылдын декабрь айында баштаган. Агенттиктин активинде кыргыз жана орус тилдериндеги маалымат порталы, радиоресурс жана жогорку технологиялык мультимедиалык маалымат борбору бар. Sputnik Кыргызстан өлкөдөгү интернет ЖМКлардын ичинен алдыңкы катарды ээлейт.

Sputnik Кыргызстан ондогон өлкөлөрдө мультимедиалык хабдары бар эл аралык маалымат агенттиги жана радиосунун бир бөлүгү болуп саналат. Sputnik өз карамагына 30дан ашуун тилде жарык көргөн сайттарды, аналогдук жана санарип радиоберүү, мобилдик тиркемелерди, жана социалдык тармактагы баракчаларды камтыйт. Катталуучулар үчүн жаңылыктар англис, араб, испан жана кытай тилдеринде жарыяланат.

Тема:
Көчмөндөрдүн дүйнөлүк III оюндары (211)

Тема боюнча

Көчмөндөр оюну учурунда коомдук тартипке канча милиционер көз салат?
Көчмөндөр оюнуна карата Ысык-Көлгө кетчү жолго 11 күн чектөө коюлат. Карта
Көчмөндөр оюнуна карата Ысык-Көлгө 50 дарыгер жөнөтүлдү
Белгилер:
III Дүйнөлүк көчмөндөр оюндары, Sputnik Кыргызстан, Кыргызстан

ЭҢ МААНИЛҮҮ