06:10 20 Жетинин айы 2017
Түз эфир
Улуу Британиянын желеги. Архив

Sputnik.Пикир сурамжылоосу: Европа биримдигинен Британиядай башка өлкөлөр дагы чыгабы

© Sputnik / Алекс Макнотон
Пресс-релиздер
Кыскача шилтеме алуу
30 0 0

Франция, Германия, Италия жана Британиянын жарандарынын арасында сурамжылоо жүргүзүлүп, кайсы мамлекет Улуу Британиянын аркасынан ЕБден чыгары тууралуу пикирлерин билишти.

БИШКЕК, 22-июн. — Sputnik. Британиядагы референдумдун бир жылдыгына карата Sputnik. Пикир жүргүзгөн сурамжылоодон улам, европалыктардын көбү ЕБден жакынкы арада бир же бир нече өлкө чыгат деген ойдо экени маалым болду.

Канча мамлекет Улуу Британиянын мисалына таянып, Европа биримдигинен чыга алат?
Канча мамлекет Улуу Британиянын мисалына таянып, Европа биримдигинен чыга алат?

Франциялыктардын жарымына жакыны (49 пайыз), немистердин жана италиялыктардын жарымынан көбү (52 жана 57 пайыз) жана британиялыктардын үчтөн бир бөлүгү (64 пайыз) жогорудагыдай пикирде.

Францияда Улуттук фронттун тарапташтарынын — 79, солчулдардын  — 34, оңчулдардын — 31 жана Демократиялык кыймылдын тарапташтарынын — 24 пайызы ЕБден жакында бир нече өлкө чыгып кетет деген пикирде.

Ал эми Чыгыш Германияда (47 пайыз) Батышы менен Берлинде караганда (37 жана 32 пайыз) ЕБдин катары суюларына көбүрөөк ишенишет.

Италиянын түштүгүнүн жана аралдарынын жашоочулары (57 пайыз) түндүк-батыш (50 пайыз) жана борборунун (46 пайыз) тургундарына карганда ЕБден өлкөлөр чыгып кетерин көбүрөөк айтышат.

Буга Англиянын чыгышында жашагандардын — 68, Лондондун — 45, өлкөнүн борбор жагынан —47,  Уэльс, Шотландиянын — 56, Түндүк Ирландиянын жана Түштүк Англиянын — 58 пайызы колдойт.

Сурамжылоону Ifop компаниясы 2017-жылдын 21-25-апрель күндөрү Франция, Германия, Италия жана Улуу Британия өлкөлөрүндө өткөргөн. Ага курагы 18 жаштан жогорку 3 203 респондент катышып, курагы, жынысы жана жашаган аймагы боюнча тең салмактуулук сакталган.

Былтыр июндун соңунда өлкөдө референдум өтүп, жашоочулардын көбү мамлекеттин Евробиримдиктен чыгуусуна добуш берген.

Sputnik.Пикир долбоору тууралуу маалымат

Коомдук пикирди иликтөөгө алган эл аралык долбоор 2015-жылдын январь айында ишке кирген. Долбоордун өнөктөштөрү болуп Populus, Ifop жана forsa ири изилдөөчү компаниялар эсептелет. Sputnik.Пикир долбоорунун алкагында Европа өлкөлөрү менен АКШда социалдык маанилүү маселелер боюнча сурамжылоо жүргүзүлүп келет.

Sputnik (sputniknews.com) – ондогон өлкөдө жайгашкан мультимедиалык маалымат хабдары бар маалымат агенттиги жана радиосу. Sputnik өзүнө 30 тилден ашуун жазылган сайттарды, аналогдук жана санарип радиоберүү, мобилдик тиркеме жана социалдык тармактардагы баракчаларды камтыйт. Sputnik агенттигинин жаңылык түрмөгү күнү-түнү англис, испан жана кытай тилдеринде жарык көрөт.

Тема боюнча

Италия менен Германия элинин үчтөн бири Крымды Россияга тиешелүү деп эсептейт
Белгилер:
сурамжылоо, Европа биримдиги, Улуу Британия
Колдонуу эрежелериПикирлер

ЭҢ МААНИЛҮҮ