05:14 07 Бештин айы 2021
Түз эфир
  • USD84.7942
  • EUR95.7496
  • RUB1.1510
Саясат
Кыскача шилтеме алуу
61 0 0

Жапаров Кыргызстан БУУну дүйнөдөгү эң маанилүү маселелерди чечүүчү борборго айланган абройлуу жана универсалдуу эл аралык уюм деп тааный турганын белгиледи.

БИШКЕК, 22-окт. — Sputnik. Президент Садыр Жапаров Бириккен Улуттар Уюмунун башкы катчысы Антониу Гутерришти жыл сайын 24-октябрда белгиленчү БУУнун күнү менен куттуктады. Бул тууралуу өлкө башчынын маалымат кызматы кабарлады.

Жапаров Кыргызстан БУУну дүйнөдөгү эң маанилүү маселелерди чечүүчү борборго айланган абройлуу жана универсалдуу эл аралык уюм деп тааный турганын белгилеген. Ушунун негизинде уюмдун сессиясынын дебаттарында маанилүү эл аралык демилгелерди көтөргөнүн, алардын эң олуттуулары — 2022-жылы "БУУ — Борбордук Азия" саммитин өткөрүү жана "Тоолуу аймактарды өнүктүрүү боюнча беш жылдыкты" кабыл алуу болгонун айткан.

"Жалпы дебаттардын жүрүшүндө климаттын өзгөрүүсүнө токтолуп, БУУнун алдында тоо-токойлорун сактап калуу боюнча программаны кабыл алуу жана тоолуу өлкөлөрдүн климатынын глобалдык жылуусу менен күрөшүүнү колдоо боюнча фондду ачууну демилгеледим. Буга БУУнун сессиясында кененирээк токтолмокчумун. Ушул жана башка дүйнөлүк масштабдагы маселелерди талкуулоо максатында келерки айда Глазго шаарында жолугушууну сунуштайм", — деп айтылат мамлекет башчынын куттуктоо телеграммасында.

Жапаров Гутерришке чың ден соолук жана бакубатчылык, иштерине ийгиликтерди каалаган.

Тема боюнча

Аида Касымалиева Кыргызстандын БУУдагы расмий өкүлү болмокчу
Жапаров 2022-жылды эл аралык тоо жылы деп жарыялоону демилгеледи
Белгилер:
Кыргызстан, БУУ, Садыр Жапаров, Антониу Гутерриш, куттуктоо, климат, жолугушуу

ЭҢ МААНИЛҮҮ