Садыр Жапаров: эми акимдерге шылтоо айтууга негиз калган жок

© Пресс-служба президента КР / Султан ДосалиевПрезидент Кыргызстана Садыр Жапаров
Президент Кыргызстана Садыр Жапаров - Sputnik Кыргызстан, 1920, 21.10.2021
Жазылуу
Мамлекет башчы мындан ары жер-жерлерден келген кайрылууларды жергиликтүү бийликтин кемчилиги катары көрүп, чара колдонорун эскертти.
БИШКЕК, 21-окт. — Sputnik. Мындан ары жергиликтүү маселелерге акимдер керт башы менен жооп берет. Бул тууралуу президент Садыр Жапаров жергиликтүү өзүн-өзү башкаруу жана мамлекеттик органдардын жетекчилери менен болгон кеңешмеде билдирди.
Мамлекет башчы аймактарды өнүктүрмөйүн өлкөнү алдыга жылдыруу эч качан мүмкүн эместигин эске салды.
"Акыркы 10 жылда бийликтин жоопкерчилигин жоготуп алдык. Жергиликтүү жетекчилер курулай отчёт берүүнү көнүмүш адатка айландырып алгансыңар. Башкаруу формасы алмашканына карабай мамлекеттик органдардын иштөө ыкмалары эскиче жүрүп жаткандай сезилүүдө. Ошондуктан мамлекеттик органдарды реформалоону баштадык. Айрым мыйзам актыларына өзгөртүүлөр киргизилди. Анын алкагында район акимдерине тиешелүү укуктар берилди. Эми жигердүү иштөөгө мыйзамдуу шарт түзүлдү. Эл турмушун жакшыртуу жана тиешелүү ар кыл маселелерди чечүү үчүн жер-жерлерде акимдер керт башыңар менен жооптуу болосуңар. Себеби ар кандай шылтоо айтууга мындан ары негиз жок", — деди Жапаров.
Ошондой эле президент мыйзам менен район башчыларына бир топ кошумча укуктар берилгенин, бул көп меселени райондук деңгээлде чечүүгө шарт түзөрүн белгиледи.
Аны менен катар мындан ары жер-жерлерден келген кайрылууларды жергиликтүү бийликтин кемчилиги катары көрүп, чара колдонорун эскертти.
Жаңылыктар түрмөгү
0