Абдыгуловдун кетишин шоуга айланттык. Ибраев депутаттарга нааразы болду

© Фото / пресс-служба Жогорку КенешаДепутат Самат Ибраев. Архив
Депутат Самат Ибраев. Архив - Sputnik Кыргызстан, 1920, 30.09.2021
Жазылуу
Ал депутаттар Абдыгуловду алкап, ал эми финансылык технологияны ишке ашыра турган ишкерди каралап шылдың болуп жатышканын айтууда.

БИШКЕК, 30-сен. — Sputnik. Улуттук банктын мурдагы төрагасы Толкунбек Абдыгуловду мактаганда абайлап сүйлөсөңүздөр. Мындай пикири менен ЖК депутаты Самат Ибраев кесиптештерине кайрылды.

Ал депутаттар Абдыгуловду алкап, ал эми финансылык технологияны ишке ашыра турган ишкерди каралап шылдың болуп жатышканын айтууда.

"Урматтуу кесиптештер, кечээки жыйында Толкунбек Абдыгуловдун кетишин шоуга айланттык. Кыргыз эли эл аралык коомчулукка шылдың болдук. Эч кандай далили жок эң таза адамга кара пиар кылып, "аферист, шылуун" деген атка кондурдук. Ушундай нерсени бийик трибунадан айтыш абдан уят. Мен кесиптештеримди кыргыздын меймандостугун, маданияттуулугун далилдеген жакшынакай кадамга барууга чакырам. Колуңуздарда далил жок болсо ар кандай нерсени айтпасаңыздар", — деди Ибраев.

Депутат Владимир Фролов эл аралык деңгээлдеги чоң эксперттердин бири болуп саналарын айтып, анын өмүр жолун окуп чыгууну сунуштады.

Улуттук банктын төрагасынын кызматтан кетер алдында айткан сөзү. Видео - Sputnik Кыргызстан, 1920, 29.09.2021
Улуттук банктын төрагасынын кызматтан кетер алдында айткан сөзү. Видео
"Бул кишинин жазган Салык кодексин Россия 1997-жылдан бери колдонуп келе жатат. Сингапурдагы компаниянын негизги акционери болуп эсептелет. Ал жакка 100 жолу текшерип киргизет. Ошондуктан жөнөкөй каралоону токтотсок. Мага жеткен маалымат боюнча, Абдыгулов жүздөгөн троллдорду жалдап өзүнүн туура эмес иштерин актаганга аракет кылып жатат", — деди Ибраев.

Ошондой эле миллиарддаган долларды интервенция кылып доллардын курсун кармаганы абдан жакшы экенин белгилеп, бирок кредитин төлөй албай калгандар үчүн Абдыгуловду күнөөлөдү.

"Бирок миллиондогон эл карызга батып ыйлап атканы менен эч кимдин иши жок. Ошого күнөөкөр адамга бүгүн Манас орденин беребиз деп жатабыз. Урматтуу кесиптештер, байкап сүйлөсөңүздөр. 10 миңдеген адам мага кайрылып "үйүм жок калдым" деп жатат. 130 чакан кредиттик компания сүткорлук менен алектенүүдө. Мунун баары Абдыгуловдун чыккынчылык саясатынан келип чыгууда", — деди депутат.

Белгилей кетсек, ЖК депутаттары Самат Ибраев менен Бактыбек Турусбеков финансылык технология системасын киргизүү мыйзамын сунуштаган. Ага Абдыгулов каршы чыгып, ал мыйзам иштесе Улуттук банк көз карандысыздыгынан ажырап, ар кандай топтордун акча адалдоочу жайына айланарын айтып келет.

Жаңылыктар түрмөгү
0